2 Mga Cronica 2:6 - Marahay na Bareta Biblia

⁶ Alagad siisay an makakapagtugdok nin sarong templo para saiya, na maski an kahiwasan kan bilog na kalangitan dai magkakanigo para saiya? Kaya anong templo an ikakapatugdok ko para saiya kundi arog sana sa sarong lugar na tinututongan nin insenso sa atubang niya?

2 Mga Cronica 2:6 ပူးပေါင်းရင်းမြစ်များ

2 Samuel 7:18

Dangan naglaog si Hadeng David sa Tabernakulo, nagtukaw, asin namibi sa Kagurangnan, “Siisay man ako, O Kagurangnan Dios, saka ano an sakong pamilya, ta ginibo mo an mga bagay na ini sako?

1 Mga Hade 7:13

Ipinaapod ni Hadeng Solomon an sarong lalaki na an ngaran Huram, na nag-eerok sa Tiro.

1 Mga Hade 7:14

An saiyang ama, na haloy nang gadan, gikan sa Tiro asin sarong ekspertong panday nin bronse; an saiyang ina gikan sa tribu ni Neftali. Si Huram sarong madonong na panday asin eksperto sa paggibo nin mga kagamitan na bronse. Nagduman si Huram ki Hadeng Solomon asin ginibo an gabos niyang trabaho.

1 Mga Hade 8:27

“Alagad pwede daw na mag-erok sa daga an Dios? Kun an pinakahalangkaw na kalangitan dai ngani nagkakanigo saimo, gurano pa daw an Templong ini na sakuyang ipinatugdok?

1 Mga Cronica 22:15

Dakul an saimong mga trabahador: mga paratabas nin gapo, mga kantero, mga karpintero, saka dai mabilang na mga eksperto sa pagtrabaho

1 Mga Cronica 29:14

“Alagad siisay man ako asin an sakong banwaan na makakakayang magtao nin boluntad na dolot saimo? Huli ta sa saimo gikan an gabos na bagay, asin samuya man sanang ibinabalik an sadiri mo.

2 Mga Cronica 1:10

Tawe ako nin kadonongan asin pakaaram na kaipuhan ko sa paghade sainda, huli ta siisay an pwedeng maghade sa banwaan mong ini na orog kadakula?”

2 Mga Cronica 6:18

“Alagad pwede daw na mag-erok sa daga an Dios? Kun an pinakahalangkaw na kalangitan dai nagkakanigo saimo, gurano pa daw an Templong ini na sakuyang ipinatugdok?

Exodo 3:11

Alagad nagsimbag si Moises sa Dios, “Siisay man ako na maduman sa hade nin Egipto tanganing iluwas sa saiyang nasyon an mga Israelita?”

Exodo 31:5

sa pagtabas nin mga batong pantampok, sa pagdibuho sa kahoy, asin sa iba pang mga gibo sa arte.

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Jeremias 23:24

Mayo nin siisay man na makakatago sa arin man na lugar na dai ko mahihiling. Dai nindo naaaraman na yaon ako maski saen na lugar sa langit saka sa daga?

2 Corinto 2:16

Para sa mga napapahamak, iyan sarong parong na nakakagadan; alagad para sa mga iliniligtas, iyan sarong mahamot na parong na nagtatao nin buhay. May makakagibo daw kaini?

Efeso 3:8

Ako an pinakamenos sa gabos na mga banal. Alagad itinao sako an biyaya nin paghulit kan Marahay na Bareta sa mga pagano dapit sa daing sukol na kayamanan ni Cristo,

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:14

kundi duman sana sa lugar na pipilion nin Kagurangnan hale sa gabos na daga kan saindong mga tribu. Duman nanggad sana nindo idolot an saindong mga tinutong na atang asin duman nindo gibohon an gabos na ipinagboboot ko saindo.

Deuteronomio 12:26

Darahon nindo sa lugar na pagsasambahan an saindong mga dolot asin an saindong mga panugang regalo sa Kagurangnan.