2 Mga Cronica 2:5 - Marahay na Bareta Biblia

⁵ Dakula an templo na sakong ipapatugdok, huli ta mas dakula an samuyang Dios ki sa ibang mga dios.

2 Mga Cronica 2:5 ပူးပေါင်းရင်းမြစ်များ

1 Mga Hade 8:27

“Alagad pwede daw na mag-erok sa daga an Dios? Kun an pinakahalangkaw na kalangitan dai ngani nagkakanigo saimo, gurano pa daw an Templong ini na sakuyang ipinatugdok?

1 Mga Hade 9:8

An Templo na ini magigin sarong tambak nin mga raot, asin an lambang mag-agi digdi matitikbahan saka mangalas. Mahapot sinda, ‘Tano ta siring an ginibo nin Kagurangnan sa dagang ini asin sa Templong ini?’

1 Mga Cronica 16:25

Huli ta dakula an Kagurangnan, asin maninigo nanggad na omawon; dapat siyang katakotan orog sa gabos na dios.

1 Mga Cronica 29:1

Sinabihan ni David an bilog na katiriponan, “Hoben pa saka kulang pa nin pakaaram an sakuyang aki na si Solomon, na pinili nin Dios. Dakula an trabaho, huli ta an papatindogon bakong palasyo para sa tawo kundi sarong Templo para sa Kagurangnan Dios.

1 Mga Cronica 29:14

“Alagad siisay man ako asin an sakong banwaan na makakakayang magtao nin boluntad na dolot saimo? Huli ta sa saimo gikan an gabos na bagay, asin samuya man sanang ibinabalik an sadiri mo.

2 Mga Cronica 2:9

tanganing mag-andam nin dakul na kahoy, huli ta dakula saka magayon an templo na itutugdok ko.

2 Mga Cronica 29:11

Mga aki ko, dai kamo magpabaya, huli ta kamo an pinili nin Kagurangnan na magtindog sa atubang niya, maglingkod saiya dangan magtutong nin insenso para saiya.”

2 Mga Cronica 6:18

“Alagad pwede daw na mag-erok sa daga an Dios? Kun an pinakahalangkaw na kalangitan dai nagkakanigo saimo, gurano pa daw an Templong ini na sakuyang ipinatugdok?

Salmo 135:5

Aram kong dakula an satong Kagurangnan, mas dakula ki sa gabos na dios-dios.

Salmo 145:3

An Kagurangnan dakula asin maninigong omawon; daing sukol an saiyang kadakulaan.

Salmo 148:4

Omawon nindo siya, kamong mga langit na halangkawon; asin kamong mga tubig sa ibabaw kan kalangitan.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Exodo 18:11

Ngunyan aram ko na nanggad na siya orog ki sa ibang mga dios, huli ta ilinigtas niya an mga Israelita sa pang-aapi sainda kan mga Egipcio.”

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Jeremias 10:6

Kagurangnan, mayo nin makakaarog saimo; mapangyari ka, dakula saka mapangyari an saimong ngaran.

Ezekiel 7:20

Kaidto ipinag-orgulyo ninda an saindang magagayon na mga alahas, alagad an mga iyan ginamit ninda sa paggibo nin makauuyam na mga ladawan. Kaya an mga bagay na iyan ginibo nin Kagurangnan na magin maati para sainda.

1 Timoteo 6:15

Sa tamang panahon, ihahayag siya nin Dios—an Dios na banal saka iyo sanang Kagsakop, Hade nin mga hade, asin Kagurangnan nin mga kagurangnan.