2 Mga Cronica 19:8 - Marahay na Bareta Biblia

⁸ Laen pa kaiyan, nagbugtak si Jehosafat sa Jerusalem nin mga Levita, mga padi dangan mga pamayo nin pamilya bilang mga hukom kan mga kaso manongod sa paglapas kan Katogonan nin Kagurangnan, asin manongod sa mga kaso nin mga namamanwaan na dapat husayon.

2 Mga Cronica 19:8 ပူးပေါင်းရင်းမြစ်များ

1 Mga Cronica 23:4

An beynte y kwatro mil sainda ginibo ni David na mga parapamahala kan trabaho sa Templo; an seis mil ginibo niyang mga opisyal asin mga hukom;

1 Mga Cronica 26:29

Sa kapagarakian ni Izar, si Kenaias saka an saiyang mga aking lalaki iyo an napili bilang mga kansilyer asin mga hukom.

2 Mga Cronica 19:11

An Halangkaw na Padi na si Amarias iyo an igwa kan kapangyarihan manongod sa mga kasong relihiyoso; siring man si Zebadias na aking lalaki ni Ismael, an gobernador nin Juda, iyo an igwa kan kapangyarihan manongod sa mga kasong sibil. An mga Levita iyo an malingkod saindo bilang mga opisyal. Pakosogon nindo an saindong boot asin ibahan logod nin Kagurangnan an matanos!”

2 Mga Cronica 19:9

Hinulitan niya sinda, “Otobon nindo an saindong katongdan na may pagkatakot sa Kagurangnan, sa kaimbodan asin sa bilog nindong puso.

Salmo 122:5

Duman ibinugtak an mga trono sa paghukom, an mga trono kan mga hade nin Israel.

Ezekiel 44:24

Kun igwa nin kaso an mga namamanwaan, sinda an magigin hukom asin huhukoman ninda an kaso sosog sa sakong mga togon. Kaipuhan kuyogon ninda an sakong mga togon saka mga pagboot manongod sa sakong mga talaan na pyesta, asin pakabanalon ninda an mga Sabbath.

Deuteronomio 21:5

Maduman man an mga pading Levita huli ta sinda an mahukom kan lambang kaso manongod sa kadahasan. Pinili sinda nin Kagurangnan na saindong Dios tanganing maglingkod saiya asin magbendisyon sa ngaran niya.

Deuteronomio 25:1

“Halimbawa nag-iwal an duwang lalaki asin nag-atubang sinda sa hukoman, dangan ibinaba kan hukom an desisyon na pagpatalingkas kan mayong sala asin pagkondenar kan nagkasala.