2 Mga Cronica 19:5 - Marahay na Bareta Biblia

⁵ Nagbugtak siya nin mga hukom sa lambang pinapusog na syudad nin Juda.

2 Mga Cronica 19:5 ပူးပေါင်းရင်းမြစ်များ

2 Mga Cronica 19:8

Laen pa kaiyan, nagbugtak si Jehosafat sa Jerusalem nin mga Levita, mga padi dangan mga pamayo nin pamilya bilang mga hukom kan mga kaso manongod sa paglapas kan Katogonan nin Kagurangnan, asin manongod sa mga kaso nin mga namamanwaan na dapat husayon.

Exodo 18:21

Laen pa kaiyan, magpili ka nin mga tawong maninigo, may pagkatakot sa Dios, mapapaniwalaan asin dai masusuholan. Gibohon mo sindang pamayo nin mga rinibong tawo, ginatos, maningkwenta, asin manampolo.

Levitico 14:42

Dangan riribayan ninda nin ibang gapo an mga gapong hinarale, asin papalitadahon giraray ninda an mga lanob na kinarosan.

Mateo 5:21

“Nadangog nindo na itinukdo kaidto sa mga tawo, ‘Dai ka maggadan; an siisay man na makagadan, huhukoman.’

Mateo 5:22

Alagad ngunyan sinasabihan ko kamo: an maanggot sa saiyang tugang (na mayo nin dahelan), huhukoman; an mag-insulto sa saiyang tugang, dadarahon sa Konseho. An magsabing, ‘Mayo kang pakinabang!’ ihuhulog sa impyerno.

Deuteronomio 1:17

Dai kamo magpaorog sa kiisay man; hukoman nindo nin matanos an gabos, maski siisay siya. Dai kamo matakot sa kiisay man, huli ta hale sa Dios an paghukom na itatao nindo. Kun an kaso dipisil para saindo, darahon nindo sako, asin ako an madesisyon kaiyan.’