2 Mga Cronica 19:4 - Marahay na Bareta Biblia

⁴ Nag-erok sa Jerusalem si Jehosafat; alagad padagos siyang naglibot sa mga banwaan magpoon sa Beer-seba sagkod sa mabulod na daga nin Efraim tanganing sabihan an mga tawo na magbalik sa Kagurangnan, an Dios nin saindang mga ginikanan.

2 Mga Cronica 19:4 ပူးပေါင်းရင်းမြစ်များ

Genesis 21:14

Kaya amay pa kan sunod na aldaw, tinawan si Hagar ni Abraham nin pagkakan asin nin sarong laogan na anit na pano nin tubig. Dangan ibinugtak ni Abraham an aki sa likod kan ina asin pinahale na ini. Naghale si Hagar asin nagparalakaw sa kalangtadan nin Beer-sheba.

Genesis 21:33

Nagtanom si Abraham nin kahoy na sampalok sa Beer-sheba asin nag-omaw sa Kagurangnan, an Daing Kataposan na Dios.

Malakias 4:6

Gigibohon niyang magharani giraray an boot kan mga mag-arama; kun dai niya iyan magibo, ako na an madatong sa pagraot kan daga.”

Mateo 25:16

An sorogoon na nag-ako nin limang ribong pesos nagnegosyo; nakaganansya pa siya nin limang ribong pesos.

Lukas 1:17

Maeenot siya sa Kagurangnan, may kosog asin kapangyarihan na arog ki Propeta Elias, tanganing an mga ama makiolian sa mga aki, asin tanganing pabalikon an mga tawong masombikal sa kadonongan kan mga matanos. Aandamon niya para sa Kagurangnan an sarong banwaan.”

Josue 17:15

Nagsimbag si Josue, “Kun dakul na kamong marahay asin sadit na para saindo an mabulod na daga ni Efraim, magduman kamo sa kadlagan asin hawanan nindo para saindo an daga kan mga Perezeo saka kan mga Refaim.”

Hukom 19:1

Kan mga aldaw na idto, kan dai pa nin hade an Israel, igwa nin sarong Levita na nag-eerok sa mabulod na daga nin Efraim. Nagkua siya nin sarong babae na taga Betlehem sa Juda tanganing magin saiyang kasaroan.

Hukom 20:1

Nagtiripon sa Mizpa sa atubang nin Kagurangnan an gabos na Israelita magpoon sa Dan sagkod sa Beer-sheba, sagkod kan mga taga Gilead.