2 Mga Cronica 19:3 - Marahay na Bareta Biblia

³ Alagad maski siring, igwa man nin nakuang karahayan saimo, huli ta hinarale mo an mga simbolo ni Asera asin hiningowa mong magsunod sa kabotan nin Dios.”

2 Mga Cronica 19:3 ပူးပေါင်းရင်းမြစ်များ

1 Mga Hade 14:13

Pagmomondoan siya kan bilog na Israel asin ilulubong ninda siya. Sa pamilya ni Jeroboam, siya sana an ilulubong nin maninigo, huli ta siya sana an nawiwilihan nin Kagurangnan, an Dios nin Israel.

2 Mga Cronica 11:16

Hale sa gabos na tribu nin Israel, an gabos na nagmawot nin tudok sa puso na pagsamba sa Kagurangnan, an Dios nin Israel, nagsurunod sa mga Levita pasiring sa Jerusalem tanganing magdolot nin mga atang sa Kagurangnan, an Dios kan saindang mga ginikanan.

2 Mga Cronica 12:12

Huli ta nagpakumbaba si Rehoboam, nahale an kaanggotan saiya nin Kagurangnan. Dai na ipinadagos an pagtunaw saiya asin nagin marahay an kamugtakan kan gabos na bagay sa Juda.

2 Mga Cronica 12:14

Naggibo si Rehoboam nin maraot huli ta dai niya kinuyog an kabotan nin Kagurangnan.

2 Mga Cronica 15:12

Naggibo sinda nin tipan, saen nanumpa sinda na sasambahon an Kagurangnan, an Dios kan saindang mga ginikanan, sa bilog nindang puso asin kalag.

2 Mga Cronica 15:15

Nag-ogma an bilog na banwaan nin Juda huli ta ginibo ninda an pakipagtipan na ini sa bilog nindang puso. Naogma sinda na magsamba sa Kagurangnan, asin inako niya sinda saka tinawan nin katoninongan sa bilog na lugar.

2 Mga Cronica 20:3

Natakot si Jehosafat asin namibi sa Kagurangnan. Nagboot siya nin pag-ayuno sa bilog na Juda.

2 Mga Cronica 20:33

Alagad dai niya ginaba an paganong mga lugar na pagsasambahan asin an mga tawo bakong bilog sa pusong nagsamba sa Dios nin saindang mga ginikanan.

2 Mga Cronica 22:9

Hinanap si Ahazias asin nakua siyang nagtatago duman sa Samaria. Dinara siya ki Jehu asin ginadan. Bilang paggalang ki Jehosafat na saiyang lolo, na tudok sa pusong naglingkod sa Kagurangnan, ilinubong ninda an bangkay ni Ahazias. Mayo nin siisay man sa pamilya ni Ahazias na pwedeng mamayo kan kahadean.

2 Mga Cronica 27:6

Orog na nagin mapangyari si Jotam huli ta maimbod niyang kinuyog an Kagurangnan na saiyang Dios.

2 Mga Cronica 30:19

“O Kagurangnan, Dios nin samuyang mga ginikanan, sa saimong pagkamarahayon patawada an mga nagsasamba saimo nin tudok sa puso, maski dai sinda nakapag-otob kan mga pagsusundon manongod sa paglinig.”

Esdras 7:10

Idinusay ni Esdras an saiyang buhay sa pag-adal kan Katogonan nin Kagurangnan, sa pag-otob kaiyan, asin sa pagtukdo sa mga Israelita kan gabos na ipinagboboot kan Katogonan.

Salmo 57:7

Bilog an paglaom kan puso ko, O Dios, bilog an paglaom! Ika sakuyang oomawon asin aawitan!

Roma 7:18

Aram ko na mayong marahay na yaon sako, boot sabihon, sa sakong laman. Huli ta maski boot kong maggibo nin marahay, dai ko iyan nagigibo.

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”