2 Mga Cronica 19:2 - Marahay na Bareta Biblia

² Alagad sarong propeta, si Jehu na aking lalaki ni Hanani, an nagsabat sa hade asin nagsabi, “Kaipuhan daw na tabangan mo an mga tampalasan asin apilan an mga naoongis sa Kagurangnan? Huli kan ginibo mong ini, maabot saimo an kaanggotan nin Kagurangnan.

2 Mga Cronica 19:2 ပူးပေါင်းရင်းမြစ်များ

1 Mga Hade 16:1

Nagtaram an Kagurangnan ki Propeta Jehu na aking lalaki ni Hanani asin itinao saiya an mensaheng ini para ki Baasa:

1 Mga Hade 16:12

Kaya sosog sa sinabi nin Kagurangnan laban ki Baasa sa paagi ni Propeta Jehu, ginadan ni Zimri an gabos sa pamilya ni Baasa.

1 Mga Hade 16:7

An mensahe nin Kagurangnan laban ki Baasa asin sa saiyang pamilya nag-abot sa paagi ni Propeta Jehu huli kan mga kasalan ni Baasa na ginibo niya tumang sa Kagurangnan. Pinaanggot ni Baasa an Kagurangnan bako sana huli ta nagkasala siya siring kan ginibo ni Jeroboam, kundi huli ta ginadan niya an bilog na pamilya ni Jeroboam.

1 Mga Hade 21:25

Mayo na nin arog ki Ahab na nagdusay kan saiyang sadiri sa paggibo nin karatan, huli sa mga sotsot kan saiyang agom na si Jezebel.

1 Mga Hade 22:44

Nakipagtoninong si Jehosafat sa hade nin Israel.

2 Mga Cronica 16:7

Kan panahon na iyan, nagdalaw an propetang si Hanani ki Asa na hade nin Juda, dangan nagsabi, “Huli ta nagsarig ka sa hade nin Siria asin bakong sa Kagurangnan na saimong Dios, nakadulag saimo an hukbo kan hade nin Siria.

2 Mga Cronica 18:1

Nagyaman saka ginalangan si Hadeng Jehosafat. Nakialyansa siya ki Ahab sa paagi nin pag-agoman kan sarong kaayon kan saiyang pamilya asin kan kaayon sa pamilya ni Ahab nin Israel.

2 Mga Cronica 18:28

Dangan nagduman sa Ramot-gilead si Hadeng Ahab nin Israel asin si Hadeng Jehosafat nin Juda.

2 Mga Cronica 18:3

Naghapot si Ahab ki Jehosafat na hade nin Juda, “Maiba ka sako sa pagsalakay sa Ramot-gilead?” Nagsimbag si Jehosafat, “Andam ako kun andam ka asin siring man an sakong mga soldados. Maiba kami saimo sa pakigera.”

2 Mga Cronica 18:7

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinaoongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

2 Mga Cronica 19:1

Matiwasay na nagpuli si Hadeng Jehosafat nin Juda sa saiyang harong sa Jerusalem.

2 Mga Cronica 19:10

Kun an saindong mga tugang na nag-eerok sa mga syudad magdolok saindo saka magsangat nin kaso nin panggagadan, o paglapas nin sarong pagboot o togon, hulitan nindo sinda nin marahay, tanganing dai sinda magkasala sa Kagurangnan. Kun dai nindo iyan gibohon, madatong saindo asin sainda an kaanggotan nin Kagurangnan. Alagad kun gibohon nindo an saindong katongdan, dai kamo magkakasala.

2 Mga Cronica 20:34

An iba pang ginibo ni Jehosafat, poon sa kapinonan sagkod sa kataposan, gabos nasusurat sa An Kasaysayan ni Jehu na Aking Lalaki ni Hanani, na kabtang kan An Kasaysayan kan mga Hade nin Israel.

2 Mga Cronica 24:18

Kaya an mga tawo nag-ontok sa pagsamba sa Templo nin Kagurangnan, an Dios kan saindang mga ginikanan, dangan nagpoon sa pagsamba sa mga dios-dios asin sa mga ladawan kan diosang si Asera. An kagabatan kan saindang kasalan an nagin dahelan kan pagdatong kan kaanggotan nin Dios sa Juda saka sa Jerusalem.

2 Mga Cronica 26:18

tanganing pugolan siya. Nagsabi sa hade an mga ini, “Uzzias, mayo ka nin deretso na magtutong nin insenso sa Kagurangnan. An mga aki sana ni Aaron an kinonsagra tanganing maggibo kaiyan. Maghale ka sa banal na lugar na ini. Sala an saimong ginibo, asin dai ka na bebendisyonan nin Kagurangnan Dios.”

2 Mga Cronica 32:25

Alagad huli sa kapaabaw-abawan, dai lamang nagpahiling si Ezekias nin anoman na pasasalamat sa ginibo saiya nin Kagurangnan. Kaya an kaanggotan nin Kagurangnan duminatong saiya, sa Juda asin sa Jerusalem.

Salmo 15:4

Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Salmo 21:8

Dadakopon kan hade an gabos niyang kaiwal; dadakopon niya an mga naoongis saiya.

Salmo 68:1

Tumindog logod an Dios, makawarak logod an saiyang mga kaiwal; dumulag logod an mga naoongis saiya!

Salmo 71:15

Ipapahayag kan sakong ngoso an saimong karahayan; an saimong kaligtasan sa bilog na aldaw, maski ngani iyan dipisil kong masabotan.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Amos 7:14

Nagsimbag si Amos, “Bako ako an propeta na nagpopropesiya huli sa bayad. Saro akong pastor nin mga hayop, asin nag-aataman ako nin mga kahoy na higera.

Juan 15:18

“Kun ikinakaongis kamo kan kinaban, dapat nindong giromdomon na ako an enot na ikinaongis kaiyan.

Juan 15:23

An naoongis sako naoongis man sa sakong Ama.

Roma 1:18

Hale sa langit nahahayag an kaanggotan nin Dios sa mga tawong naggigibo nin karatan asin katampalasan, huli ta an katotoohan tinatahoban kan maraot nindang mga gibo.

Roma 1:30

mga paralibak, naoongis sa Dios, mga daing ugale, mapalangkaw asin mapaabaw-abaw; mga paratogdas nin karatan, mga sutil sa magurang;

Roma 1:32

Aram nindang sinasabi sa katogonan nin Dios na maninigong gadanon an mga tawong arog kaiyan an ginigibo, alagad padagos pa sinda sa paggibo nin maraot asin inooyonan pa ninda an mga naggigibo nin siring.

Roma 8:7

Kaiwal nin Dios an mga nag-iisip kan mga bagay na sa laman, huli ta dai sinda nagkukuyog sa katogonan nin Dios saka dai nanggad sinda makakakuyog kaiyan.

Efeso 5:11

Dai kamo mag-ayon sa mga mayong halagang gibo nin kadikloman, kundi ihayag nindo sa liwanag an mga gibong iyan. (

Deuteronomio 32:41

na tataison ko an sakong nagkikinang na espada tanganing gamiton para sa katanosan. Babaloson ko an sakong mga kaiwal, asin papadusahan idtong mga naoongis sako.

Deuteronomio 33:11

O Kagurangnan, pakosoga an saindang tribu; akoa an gibo kan saindang mga kamot. Ronota an gabos nindang kaiwal, tanganing dai na makabangon sagkod pa man.”

Deuteronomio 5:9

Dai kamo magduko sa mga dios-dios o magsamba sa sainda, huli ta ako, an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Deuteronomio 7:10

alagad dai siya nagduduwa-duwa sa pagpadusa sa mga naaanggot saiya.

Santiago 4:4

Mga bakong maimbod! Bakong aram nindo na an pakikatood sa kinaban, pakiiwal sa Dios? Kaya an siisay man na boot makipagkatood sa kinaban, kaiwal nin Dios.

1 Samuel 9:9

“Marahay na kaisipan,” an simbag ni Saul. “Magduman na kita.” Kaya nagduman sinda sa banwa na pinag-erokan kan banal na lalaki. Mantang nagtutukad sinda sa bulod palaog sa banwa, nasabat ninda an nagkapirang babae na nagruluwas tanganing magharok nin tubig. Hinapot ninda an mga babae, “Yaon daw an parahula?” (Sa Israel kaidto, an sarong propeta inapod na parahula, kaya kun an sarong tawo boot maghapot sa Dios, minasabi siya, “Magduman kita sa parahula.”)