2 Mga Cronica 19:10 - Marahay na Bareta Biblia

¹⁰ Kun an saindong mga tugang na nag-eerok sa mga syudad magdolok saindo saka magsangat nin kaso nin panggagadan, o paglapas nin sarong pagboot o togon, hulitan nindo sinda nin marahay, tanganing dai sinda magkasala sa Kagurangnan. Kun dai nindo iyan gibohon, madatong saindo asin sainda an kaanggotan nin Kagurangnan. Alagad kun gibohon nindo an saindong katongdan, dai kamo magkakasala.

2 Mga Cronica 19:10 ပူးပေါင်းရင်းမြစ်များ

2 Mga Cronica 19:2

Alagad sarong propeta, si Jehu na aking lalaki ni Hanani, an nagsabat sa hade asin nagsabi, “Kaipuhan daw na tabangan mo an mga tampalasan asin apilan an mga naoongis sa Kagurangnan? Huli kan ginibo mong ini, maabot saimo an kaanggotan nin Kagurangnan.

2 Mga Cronica 19:9

Hinulitan niya sinda, “Otobon nindo an saindong katongdan na may pagkatakot sa Kagurangnan, sa kaimbodan asin sa bilog nindong puso.

Exodo 18:16

Kun may duwang tawo na igwang dai pinagkakaoyonan, minadolok sinda sako asin hinuhukoman ko kun siisay sa sainda an tama. Ipinapaliwanag ko sainda an mga pagboot asin mga togon nin Dios.”

Ezekiel 3:17

“Aki nin tawo, ginigibo takang bantay kan nasyon nin Israel. Itataram mo sainda an anoman na patanid na madangog mo sako.

Ezekiel 33:6

Alagad kun mahiling kan bantay an nagdadangadang na kaiwal dangan dai niya patanogon an trompeta tanganing patanidan an mga tawo, an bantay an babasolon ko kan saindang pagkagadan.

Mga Bilang 16:46

dangan nagsabi si Moises ki Aaron, “Kuahon mo an saimong insensaryo, bugtakan mo kan baga sa altar, asin bugtakan mo nin insenso an baga. Daraha an insensaryo pasiring sa mga tawo asin gibohon mo an seremonya nin paglinig para sainda. Maghidali ka! Anggot na an Kagurangnan asin nagpoon na an peste.”

Mga Bilang 17:11

Ginibo ini ni Moises sosog sa pagboot nin Kagurangnan.

Mga Gibo 20:31

Kaya mag-ingat kamo. Giromdomon nindo na sa laog nin tolong taon, aldaw-banggi ko kamong tinukdoan kaiba an dakul na luha.

Deuteronomio 21:5

Maduman man an mga pading Levita huli ta sinda an mahukom kan lambang kaso manongod sa kadahasan. Pinili sinda nin Kagurangnan na saindong Dios tanganing maglingkod saiya asin magbendisyon sa ngaran niya.

1 Tesalonica 5:14

Sinasadol mi kamo, mga tugang, na patanidan nindo an mga hugakon, pakosogon an mga maluya an boot, tabangan an mga maluya, saka magin matinios kamo sa gabos.