2 Mga Cronica 18:7 - Marahay na Bareta Biblia

⁷ Nagsimbag si Ahab, “Igwa pa nin saro, si Micaias na aking lalaki ni Imla. Alagad kinaoongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

2 Mga Cronica 18:7 ပူးပေါင်းရင်းမြစ်များ

1 Mga Hade 18:17

Pakahiling ni Ahab ki Elias, nagsabi siya, “Uya ka palan—an pinakamaraot na paraparibok sa Israel?”

1 Mga Hade 18:4

asin kan ginagadan ni Jezebel an mga propeta kan Kagurangnan, ilinigtas ni Obadias an sanggatos kan mga propetang ini. Binanga niya an mga propeta sa duwang grupo na tigsingkwenta, dangan tinago sa mga lungib; tinawan niya sinda nin kakanon saka inomon.)

1 Mga Hade 19:10

Nagsimbag si Elias, “Dakula an pagmakulog ko para saimo Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

1 Mga Hade 21:20

Kan mahiling ni Ahab si Elias, nagsabi siya, “Nanumpongan mo na naman ako, sakong kaiwal?” Nagsimbag si Elias, “Iyo, huli ta ipinabakal mo na an saimong sadiri sa paggibo nin karatan sa atubang nin Kagurangnan.

1 Mga Hade 22:8

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinakaongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

2 Mga Hade 9:22

Hinapot ni Joram si Jehu, “Katoninongan an katuyohan mo, Jehu?” Nagsimbag si Jehu, “Magkakaigwa daw nin katoninongan mantang pinapadanay kan ina mong si Jezebel an saiyang marigsok na pagsamba sa mga dios-dios asin pangkukulam?”

2 Mga Cronica 18:13

Alagad nagsimbag si Micaias, “Sa ngaran kan buhay na Kagurangnan, kun ano an itinaram niya sako iyo sana an sakong itataram!”

2 Mga Cronica 18:6

Alagad naghapot si Jehosafat, “Mayo na daw nin ibang propeta na pwedeng makihumapot sa Kagurangnan para sato?”

2 Mga Cronica 18:8

Dangan ipinaapod ni Ahab an sarong opisyal saka sinabihan, “Magduman ka asin ipag-iba mo tolos digdi si Micaias na aking lalaki ni Imla.”

Salmo 34:21

Karatan an magadan sa maraot; papadusahan an mga anggot sa matanos.

Salmo 55:3

Natatakot ako sa mga paghoma kan mga kaiwal; sa pang-aapi kan mga tampalasan. Dinadarahan ninda ako nin kasakitan, sa kaanggotan ako saindang linalabanan.

Salmo 69:14

Ligtasan ako sa pag-irarom sa laboy; agawa ako sa sakong mga kaiwal, asin sa mga tubig na hararom.

Mga Talinhaga 25:12

An patanid nin madonong sa tataong magdangog orog na mahalaga ki sa bulawan na singsing o alahas na gibo sa pinakapinong bulawan.

Mga Talinhaga 29:10

Ikinakaongis kan mga madahas an tawong onesto, alagad susurogon kan matanos an siring na tawo.

Mga Talinhaga 9:8

Dai mo pagsawayon an paratuyatuya huli ta maoongis siya saimo. Sagweon mo an tawong madonong, asin mamomoot siya saimo;

Isaias 30:10

An mga propeta sinasabihan ninda na mag-alo. An sabi ninda, “Dai nindo pagsambiton samo an tama. An boot mi sanang madangog an itaram nindo. Pabayae kami nindo sa samong mga kaisipan.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 38:4

Dangan nagduman sa hade an mga opisyal saka nagsabi, “Kaipuhan ipagadan an tawong ini. Pinapaluya niya an boot kan mga soldados asin kan mga tawo na natada sa syudad huli kan mga itinataram niya. Dai siya naghihingowa na tabangan an mga tawo; an boot sana niya iyo na mapahamak sinda.”

Amos 5:10

Banwaan nin Israel, naoongis kamo sa kiisay man na dai minaoyon sa inhustisya asin minatuga kan bilog na katotoohan.

Mikas 2:7

Sa paghona mo daw, nasa irarom nin maldisyon an banwaan nin Israel? Naubos na daw an pasensya nin Kagurangnan? Gibohon daw niya an mga bagay na iyan? Bakong may pagkaherak na tinataraman niya an mga naggigibo nin tama?”

Markos 6:27

Kaya sinugo niya tolos an sarong bantay na darahon an payo ni Juan. Nagduman sa bilanggoan an bantay; pinugotan niya si Juan,

Lukas 6:22

“Paladan kamo kun ikinakaongis kamo, isinisikwal, o minumuda nin mga tawo, asin pinapakaraot an ngaran nindo huli sa Aki nin Tawo!

Juan 15:24

Dai kutana sinda nagkasala kun dai ko ginibo sainda an mga bagay na dai pa naginibo nin siisay man. Alagad nahiling ninda an mga ginibo ko asin ikinakaongis ninda ako saka an sakong Ama.

Juan 7:7

Dai kamo ikakaongis kan kinaban, alagad ikinakaongis ako, huli ta pinapatotoohan ko an mga maraot na gibo kan kinaban.

Galacia 4:16

Kaiwal na daw nindo ako ngunyan huli ta tinaraman ko kamo kan katotoohan?