2 Mga Cronica 18:26 - Marahay na Bareta Biblia

²⁶ Sabihan nindo sinda na ibilanggo ninda an tawong ini asin dikit sanang tinapay saka tubig an itao saiya sagkod na magbalik akong tiwasay.”

2 Mga Cronica 18:26 ပူးပေါင်းရင်းမြစ်များ

2 Mga Cronica 16:10

Naanggot si Asa sa propeta asin ini saiyang ipinabilanggo. Kan panahon man na ini nagpoon na magin makuri si Asa sa nagkapira niyang mga tawohan.

2 Mga Cronica 18:15

Alagad sinabihan siya kan hade, “Pirang beses taka pasusumpaon na mayo ka nin itataram sako kundi an katotoohan sa ngaran nin Kagurangnan?”

Salmo 10:5

An tampalasan mauswag sa gabos na panahon. Dai niya nasasabotan an mga paghukom nin Dios; tinutuya-tuya niya an saiyang mga kaiwal.

Salmo 102:9

Abo an tinapay na kinakakan ko; igwang kasalak na mga luha an inomon ko;

Salmo 80:5

Pinakakan mo kami kan tinapay nin kamondoan; pinainom mo nin luha sa dakulang lalagan.

Mga Talinhaga 14:16

An Tawong madonong maingat asin minalikay sa karatan, alagad an lolong mayo nin pag-ingat asin mayo nin pagpupugol sa sadiri.

Isaias 30:20

Papaagihon kamo nin Kagurangnan sa mga masakit na panahon, alagad tutukdoan niya kamo sa panahon na iyan, asin dai na kaipuhan na hanapon pa nindo siya.

Jeremias 36:26

Dangan pinagbotan kan hade si Prinsipe Jerameel, si Seraias na aking lalaki ni Azriel saka si Selemias na aking lalaki ni Abdeel, na dakopon ako saka si Baruc na sakong sekretaryo. Alagad itinago kami nin Kagurangnan.

Jeremias 37:15

Anggot sinda nin marahay sako; hinampak ninda ako saka ibinilanggo sa harong ni Jonatan, an sekretaryo, huli ta an harong niya ginibo nang sarong bilanggoan.

Mateo 12:24

Kan madangog ini kan mga Fariseo, nagsabi sinda, “An tawong ini nakakapaluwas nin demonyo sa kapangyarihan ni Beelzebul na prinsipe kan mga demonyo.”

Mateo 5:12

Arog man kaini an ginibo sa mga propetang naenot saindo. Orog na mag-ogma kamo, ta dakula an balos saindo sa langit.

Lukas 23:2

Duman isinumbong siya ninda, “Nadakop mi an tawong ini na sinosotsotan an mga tawo na magrebelde, asin nagpapangalad kan pagbayad nin buhis ki Cesar saka nagsabi na siya mismo an Cristo na sarong hade.”

Mga Gibo 22:22

Naghinanyog an mga tawo ki Pablo, alagad pakataram niya kaini nagpoon sindang magkurahaw, “Gadanon siya! Dai siya dapat na mabuhay!”

Mga Gibo 5:18

Dinakop ninda an mga apostol saka ibinilanggo.

2 Corinto 11:23

Mga sorogoon sinda ni Cristo? Garo ako bua-bua sa pagsabi kaini, alagad mas marahay akong sorogoon ni Cristo ki sa sainda. Nagtrabaho ako nin mas maigot ki sa sainda; dakul na beses akong nabilanggo ki sa sainda, pinaghampak ako labi pa sainda, saka dakul na beses nang dikit pa akong magadan.

Deuteronomio 29:19

Aramon nanggad nindo na mayo nin siisay man digdi na pakatapos na madangog an mga tataramon kan tipan na ini, magsaboot na makakaligtas siya maski maglakaw siya sa katagasan kan saiyang puso. An tawong iyan an magigin dahelan kan pagkagadan nin gabos, marahay man o maraot.

Hebreyo 11:36

May pinagtuya-tuya saka pinaghampak; may ginapos asin binilanggo.

Kapahayagan 11:10

Maoogma an mga tawo sa kinaban dahel sa pagkagadan ninda. Magpepyesta sinda asin magpapatinaohan nin mga regalo huli ta an duwang propetang iyan nagdara sainda nin dakul na kasakitan.

1 Samuel 25:21

Nagsasaboot kaidto si David, “Tano ta binantayan ko pa an pagsadiri kan tawong idto digdi sa kalangtadan? Mayong nawara sa pagsadiri niya, asin ngunyan binabayadan niya nin karatan an ginibo kong karahayan!