2 Mga Cronica 18:16 - Marahay na Bareta Biblia

¹⁶ Nagsimbag si Micaias, “Nahiling ko an bilog na Israel na nawarak sa kabukidan, arog sa mga karnero na mayo nin pastor. Asin nagtaram an Kagurangnan, ‘Mayo sinda nin pamayo, papulia sinda sa katoninongan.’”

2 Mga Cronica 18:16 ပူးပေါင်းရင်းမြစ်များ

2 Samuel 2:7

Magmakosog asin magmaisog kamo; gadan na si Saul na saindong hade, asin linahidan na ako kan mga taga Juda bilang saindang hade.”

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

1 Mga Hade 22:17

Nagsimbag si Micaias, “Nahiling ko an bilog na Israel na nawarak sa kabukidan, arog sa mga karnero na mayo nin pastor, asin nagtaram an Kagurangnan, ‘Mayo sinda nin pamayo, papulia sinda sa katoninongan.’”

2 Mga Hade 10:3

pilion nindo an pinakamarahay sa mga aking lalaki kan saindong kagurangnan dangan gibohon nindo siyang hade asin makilaban kamo para saiya.”

2 Mga Cronica 18:15

Alagad sinabihan siya kan hade, “Pirang beses taka pasusumpaon na mayo ka nin itataram sako kundi an katotoohan sa ngaran nin Kagurangnan?”

2 Mga Cronica 18:17

Sinabihan ni Ahab si Jehosafat, “Bakong sinabi ko na saimo na dai pa lamang siya nin marahay na propesiya dapit sako? An saiyang propesiya danay na maraot!”

Ezekiel 34:8

Ako an Dios na buhay, kaya mas marahay para saindo na maghinanyog kamo sako. An sakong mga karnero sinalakay kan mga lalaw na hayop, ginadan sinda dangan kinakan, huli ta mayo sinda nin pastor. An mga karnero dai hinanap kan sakong mga pastor. Inataman ninda an saindang sadiri asin bakong an mga karnero.

Ezekiel 35:4

Pababayaan kong rumpag an saimong mga syudad asin mamondo an saimong daga; dangan maaaraman mo na ako an Kagurangnan.

Zacarias 10:2

Nakikihumapot an mga tawo sa mga dios-dios saka sa mga parahula, alagad kaputikan asin mayong halagang mga simbag an saindang nakukua. An iba nagpapahayag nin mga pangatorogan, alagad linalagalag sana ninda kamo; mayo nin halaga an itinatao nindang karangahan. Kaya nagkakaralagalag an mga tawo arog sa nawawarang mga karnero. Nagtitios sinda huli ta mayo sinda nin pamayo.

Zacarias 13:7

Nagtataram an Kagurangnan nin mga hukbo, “Pagmata, espada, asin salakaya an pastor na nagtatrabaho para sa sako! Gadana siya tanganing magkawararak an mga karnero. Sasalakayon ko an sakong banwaan

Mga Bilang 27:17

asin magboot sainda sa panahon nin gera, tanganing an saimong komunidad dai makaarog sa karnero na mayo nin pastor.”

Mateo 26:64

Alagad nagsimbag si Jesus, “Ika na an nagsasabi. Sinasabihan ko kamo, poon ngunyan mahihiling nindo an Aki nin Tawo na nagtutukaw sa too kan Makakamhan asin nagdadatong sa mga panganoron nin langit!”

Mateo 9:36

Kan mahiling niya an kadakul na tawo, naherak siya sainda, huli ta nalalagalag sinda asin mga makaheherak, garo mga karnero na mayong pastor.

Markos 6:34

Paglusad ni Jesus sa sakayan, nahiling niya an kadakul na tawo. Naherak siya sainda, ta garo sindang mga karnero na mayo nin pastor. Kaya tinukdoan niya sinda nin dakul na bagay.