2 Mga Cronica 18:11 - Marahay na Bareta Biblia

¹¹ Nagsabi man nin siring an ibang propeta, “Salakayon mo an Ramot-gilead asin manggagana ka,” an sabi ninda. “Itatao saimo nin Kagurangnan an kapangganahan.”

2 Mga Cronica 18:11 ပူးပေါင်းရင်းမြစ်များ

1 Mga Hade 4:13

Ben-geber: an syudad nin Ramot sa Gilead, asin an mga baryo sa Gilead na pagsadiri kan kamaganakan ni Jair, na aking lalaki ni Manases, asin an rehiyon nin Argob sa Basan; sesentang darakulang banwa na nakukudal asin igwa nin mga bronseng barat an mga trangkahan

2 Mga Cronica 18:10

An saro kaini, si Zedekias na aking lalaki ni Kenaana, naggibo nin lansang na mga sungay asin nagsabi ki Ahab, “Ini an tataramon nin Kagurangnan: ‘Sa paagi kaini lalabanan asin dadaogon mo an mga taga Siria.’”

2 Mga Cronica 18:12

Sinabihan si Micaias kan opisyal na nagkua saiya, “An gabos na propeta nagpropesiya nin kapangganahan para sa hade; marahay na iyan man an gibohon mo.”

2 Mga Cronica 18:5

Kaya inapod ni Ahab an mga propeta, mga apat na gatos sinda gabos, saka hinapot, “Dapat daw na magduman ako asin salakayon an Ramot-gilead o dai?” Nagsimbag sinda, “Salakayon mo an Ramot-gilead. Itatao saimo nin Kagurangnan an kapangganahan.”

Mikas 3:5

Dinaya an sakong banwaan kan mga propetang nanunuga nin katoninongan sa mga nakakabayad sainda, alagad nagpapahayag sainda nin gera sa mga dai nakakabayad. An Kagurangnan nagsasabi sa mga propetang ini,

Judas 1:16

An mga tawong ini danay na naggugumod-gumod saka nagbabasol sa iba; sinusunod ninda an saindang maraot na mga kamawotan; mga mapalangkaw sinda, asin sagin-sagin na inoomaw an mga tawo huli sa pakinabang na makukua ninda.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.