2 Mga Cronica 18:10 - Marahay na Bareta Biblia

¹⁰ An saro kaini, si Zedekias na aking lalaki ni Kenaana, naggibo nin lansang na mga sungay asin nagsabi ki Ahab, “Ini an tataramon nin Kagurangnan: ‘Sa paagi kaini lalabanan asin dadaogon mo an mga taga Siria.’”

2 Mga Cronica 18:10 ပူးပေါင်းရင်းမြစ်များ

1 Mga Hade 22:11

An saro sainda, si Zedekias na aking lalaki ni Kenaana, naggibo nin lansang na mga sungay asin nagsabi ki Ahab, “Uya an itinataram nin Kagurangnan: ‘Sa paagi kaini lalabanan asin dadaogon mo an mga taga Siria.’”

2 Mga Cronica 18:11

Nagsabi man nin siring an ibang propeta, “Salakayon mo an Ramot-gilead asin manggagana ka,” an sabi ninda. “Itatao saimo nin Kagurangnan an kapangganahan.”

2 Mga Cronica 18:9

An duwang hade, na nakagubing nin sa hade, yaon kaidto sa lugar na pinaggiginikan sa luwas kan trangkahan nin Samaria. Nakatukaw sinda sa saindang trono asin nagpopropesiya sa atubangan ninda an gabos na propeta.

Jeremias 23:17

Sa mga tawong habong maghinanyog kan sakong tataramon, danay na sinasabi ninda na marahay an mangyayari sa sainda. Sa mga matagas an payo sinasabi ninda na mayong maraot na mangyayari sa sainda.”

Jeremias 23:21

Nagtaram an Kagurangnan, “Dai ko sinugo an mga propetang ini, alagad nagralakaw sinda. Dai ko sinda tinawan nin mensahe, alagad nagtaram sinda sa sakong ngaran.

Jeremias 23:25

Nadangog ko an sinabi kan mga propeta na nagpopropesiya nin kaputikan sa sakong ngaran saka nagsasabi na tinawan ko sinda kan sakong mensahe sa saindang mga pangatorogan.

Jeremias 23:31

Laban man ako sa mga propeta na nagtataram kan sadiri nindang mga tataramon saka nagsasabi na hale iyan sako.

Jeremias 27:2

na maggibo nin lubid asin sakal dangan ibugtak ini sa sakong loong.

Jeremias 29:21

“An Kagurangnan nin mga hukbo, an Dios nin Israel, nagtaram manongod ki Ahab na aking lalaki ni Kolaias saka manongod ki Zedekias na aking lalaki ni Maaseias, na nagpopropesiya nin mga kaputikan sa ngaran nin Kagurangnan. Nagtaram siya na itatao niya sinda sa kamot ni Nebukadnezzar na hade nin Babilonia. Gagadanon sinda kan hade sa atubangan nindo.

Ezekiel 13:7

Sinasabihan ko sinda: Bakong totoo an mga bisyon na nahihiling nindo asin kaputikan an mga pahayag nindo manongod sa maabot na panahon. Minasabi kamo na mga tataramon ko iyan, alagad dai ako nagtaram saindo!”

Ezekiel 22:28

Tinahoban kan mga propeta an mga kasalan na ini, siring sa sarong pinaputing lanob. Nakakahiling sinda nin bako totoong mga bisyon asin nagpuputik sinda sa saindang mga pahayag manongod sa maabot na panahon. Nagsasabi sinda na yaon sainda an tataramon nin Kagurangnan Dios, maski ako, an Kagurangnan, dai man kaiyan nagtaram sainda.

2 Timoteo 3:8

Siring na si Janes saka si Jambres nagtumang ki Moises, an mga tawong ini minasalungat man sa katotoohan—mga tawong maati an isip, asin bakong tunay an pagtubod.