2 Mga Cronica 17:8 - Marahay na Bareta Biblia

⁸ Inibahan sinda nin siyam na Levita saka duwang padi. An mga Levita iyo si Semaias, Netanias, Zebadias, Asahel, Semiramot, Jehonatan, Adonias, Tobias asin Tobadonias; an duwang padi iyo si Elisama saka si Jehoram.

2 Mga Cronica 17:8 ပူးပေါင်းရင်းမြစ်များ

2 Mga Cronica 19:8

Laen pa kaiyan, nagbugtak si Jehosafat sa Jerusalem nin mga Levita, mga padi dangan mga pamayo nin pamilya bilang mga hukom kan mga kaso manongod sa paglapas kan Katogonan nin Kagurangnan, asin manongod sa mga kaso nin mga namamanwaan na dapat husayon.

2 Mga Cronica 35:3

Hinulitan niya an mga Levita, an mga paratukdo nin Israel, na kinonsagra para sa Kagurangnan. Sinabihan niya sinda, “An banal na Kaban nin Tipan ibugtak nindo sa Templo na ipinatugdok ni Solomon na aki ni David. Dai na nindo iyan pagparadarahon sa manlaen-laen na lugar, kundi paglingkodan nindo an Kagurangnan na saindong Dios asin an Israel na saiyang banwaan.

Malakias 2:7

Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.