2 Mga Cronica 17:5 - Marahay na Bareta Biblia

⁵ Kaya pinapusog nin Kagurangnan an kahadean nin Juda sa pamamahala ni Jehosafat. Dinarahan siya nin mga regalo kan bilog na banwaan, asin nagyaman siya saka ginalangan.

2 Mga Cronica 17:5 ပူးပေါင်းရင်းမြစ်များ

Genesis 13:2

Mayaman nang marahay si Abram huli ta kadakul na kan saiyang mga hayop, plata asin bulawan.

1 Mga Hade 10:25

An lambang saro sainda nagdara kan saiyang regalo, mga kagamitan na bulawan saka plata, mga gubing, mga armas, mga pahamot, mga kabayo, sagkod mga mula; danay ining nangyayari taon-taon.

1 Mga Hade 10:27

Sa Jerusalem, kan panahon ni Solomon, an plata ordinaryo sana siring sa gapo, asin an sedro arog kadakul kan ordinaryong kahoy na sikomoro duman sa Sefela.

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

2 Mga Cronica 1:15

Kan panahon nin paghahade ni Solomon, an bulawan asin plata ordinaryo sanang bagay sa Jerusalem arog sa gapo, asin an sedro arog kadakul sa sikomoro duman sa Sefela.

2 Mga Cronica 18:1

Nagyaman saka ginalangan si Hadeng Jehosafat. Nakialyansa siya ki Ahab sa paagi nin pag-agoman kan sarong kaayon kan saiyang pamilya asin kan kaayon sa pamilya ni Ahab nin Israel.

2 Mga Cronica 32:23

Dakul an nagduman sa Jerusalem na nagdadara nin mga dolot sa Kagurangnan asin nin mga regalo ki Ezekias na hade nin Juda, kaya poon kaidto inomaw si Ezekias kan gabos na nasyon.

2 Mga Cronica 9:27

Kan panahon nin saiyang paghahade, an plata ordinaryo sanang bagay sa Jerusalem arog kan gapo, asin an sedro arog kadakul sa sikomoro duman sa Sefela.

An Libro ni Job 42:12

Benendisyonan nin Kagurangnan an huring kabtang kan buhay ni Job orog pa ki sa naenot. Nagkaigwa si Job nin katorse mil na karnero, seis mil na kamelyo, duwang ribong baka asin sangribong asno.

Salmo 127:1

Kun bakong an Kagurangnan an magpatindog kan harong, masasayang sana an trabaho kan mga nagpapatindog kaiyan. Kun bakong an Kagurangnan an magbantay sa syudad, masasayang sana an pagpupuka kan bantay.

Salmo 132:12

Kun otobon kan mga aki mo an sakuyang tipan, asin an mga pagboot na itatao ko sainda, an saindang mga aki matukaw man sa saimong trono sagkod pa man.”

Salmo 68:29

Huli kan saimong Templo sa Jerusalem, an mga hade nagdadara saimo nin mga regalo.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Salmo 76:11

Otobon nindo sa Kagurangnan na saindong Dios, an saindong panuga saiya. Gabos na nasyon sa palibot magdara nin mga dolot sa saiya na maninigong katakotan,

Mga Talinhaga 16:12

Ikinakaongis kan mga hade an paggibo nin karatan, huli ta hustisya an nagpapakosog nin sarong gobyerno.

Mateo 2:11

Paglaog ninda sa harong, nahiling ninda an omboy asin si Maria na saiyang ina. Nagluhod sinda saka nagsamba sa omboy. Dangan idinolot ninda saiya an mga dara nindang regalong bulawan, insenso, asin mira.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

1 Pedro 5:10

Alagad pakatios nindo sa halipot na panahon, an Dios nin gabos na biyaya, na nag-apod saindo para sa saiyang mayong kataposan na kamurawayan diyan ki Cristo, iyo an matao saindo kan kapanoan nin buhay, kosog asin pagsarig.

1 Samuel 10:27

Alagad igwa nin mayong halagang mga tawo na nagsarabi, “Paano kita ikakaligtas kan tawong ini?” Pinag-olog-olog ninda si Saul asin dai ninda dinarahan nin ano man na regalo, alagad dai sana naggirong si Saul.