2 Mga Cronica 17:4 - Marahay na Bareta Biblia

⁴ kundi naglingkod sa Dios nin saiyang ama, nagsunod sa mga pagboot nin Dios asin dai nag-arog sa ginibo kan mga hade nin Israel.

2 Mga Cronica 17:4 ပူးပေါင်းရင်းမြစ်များ

1 Mga Hade 12:28

Pakahorophoropa niya kaini, guminibo siya nin duwang bulawan na torong baka dangan sinabihan an saiyang banwaan, “Haloy na kamong nagpaparatukad sa Jerusalem tanganing magsamba. Banwaan nin Israel, uya an saindong mga dios na nagluwas saindo sa Egipto!”

1 Mga Hade 12:30

Kaya nagkasala an mga tawo huli ta nagduman sinda sa Betel tanganing sambahon an sarong baka, asin nagduman sinda sa Dan tanganing sambahon an saro pa.

1 Mga Hade 12:33

Kan ikakinseng aldaw kan ikawalong bulan, an aldaw na siya mismo an nagtalaan, nagduman siya sa Betel asin nagdolot nin sakripisyo sa altar sa pagselebrar kan pyesta na saiyang minukna para sa banwaan nin Israel.

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

1 Mga Hade 9:4

Kun paglilingkodan mo ako sa kaimbodan saka sa katanosan, siring kan ginibo kan saimong ama, dangan kun kukuyogon mo an sakong mga togon sagkod mga pagboot,

2 Mga Hade 17:19

Alagad maski an Juda dai nagkuyog kan mga togon kan Kagurangnan na saindang Dios; inarog ninda an mga gawe nin Israel.

2 Mga Hade 8:18

Inarog niya an maraot na mga ginibo ni Hadeng Ahab asin kan iba pang hade nin Israel, huli ta naagom niya an aking babae ni Ahab. Ginibo niya an maraot sa atubangan kan Kagurangnan.

2 Mga Cronica 14:6

Pinapusog ni Asa an mga syudad nin Juda. Dakul na taon na dai nagkaigwa nin gera kan panahon niya huli ta itinao saiya nin Kagurangnan an katoninongan.

2 Mga Cronica 17:3

Benendisyonan nin Kagurangnan si Jehosafat, huli ta sinunod niya an mga naenot na paarog nin saiyang ama. Dai siya nagsamba ki Baal,

2 Mga Cronica 21:12

Sarong surat an ipinadara saiya ni propeta Elias na an sabi, “Ini an tataramon nin Kagurangnan, an Dios ni David na saimong ginikanan: ‘Huli ta dai mo inarog an ginibo ni Jehosafat na saimong ama, o an ginibo ni Asa na saimong lolo,

2 Mga Cronica 22:9

Hinanap si Ahazias asin nakua siyang nagtatago duman sa Samaria. Dinara siya ki Jehu asin ginadan. Bilang paggalang ki Jehosafat na saiyang lolo, na tudok sa pusong naglingkod sa Kagurangnan, ilinubong ninda an bangkay ni Ahazias. Mayo nin siisay man sa pamilya ni Ahazias na pwedeng mamayo kan kahadean.

2 Mga Cronica 27:6

Orog na nagin mapangyari si Jotam huli ta maimbod niyang kinuyog an Kagurangnan na saiyang Dios.

2 Mga Cronica 29:2

Ginibo niya an matanos sa atubang nin Kagurangnan, arog kan ginibo ni David na saiyang ginikanan.

2 Mga Cronica 34:2

Ginibo niya an matanos sa atubangan nin Kagurangnan asin sinunod niya an paarog kan saiyang ginikanan na si David; maimbod na kinuyog niya an mga togon nin Dios.

Oseas 4:15

“O Israel, maski dai ka nagin maimbod sako, an mga taga Juda dai man logod magkasala nin siring. Dai kamo magsamba sa Gilgal o sa Bet-Aven, ni magsumpa duman sa ngaran kan buhay na Kagurangnan.

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

1 Tesalonica 2:12

Pinakosog mi an boot nindo, rinanga mi kamo saka sinadol na mamuhay na maninigo sa Dios na nag-aapod saindo pasiring sa saiyang Kahadean asin kamurawayan.

1 Tesalonica 4:1

Sa kataposan, mga tugang, nakikimaherak kami saindo asin sinasadol mi kamo sa ngaran ni Jesus na Kagurangnan, na mamuhay kamo nin orog pa kan pamumuhay nindo ngunyan—pamumuhay na sosog sa nanodan nindo samo—nganing mapaogma nindo an Dios.