2 Mga Cronica 17:17 - Marahay na Bareta Biblia

¹⁷ An pamayo kan hukbo kan mga kamaganakan ni Benjamin iyo si Eliada, sarong bantog na soldados. Sakop niya an dos syentos mil na soldados na armado nin mga kalasag saka mga pana.

2 Mga Cronica 17:17 ပူးပေါင်းရင်းမြစ်များ

1 Mga Cronica 7:11

Sinda an mga pamayo kan mga pamilya sa kapagarakian ni Bilhan, asin bantog sindang mga soldados. An bilang kan saindang kapagarakian, na maninigong maglingkod sa hukbo, uminabot sa dyes y syete mil dos syentos.

2 Mga Cronica 14:7

Sinabihan ni Asa an banwaan nin Juda, “Pakosogon nyato an mga syudad asin palibotan ta nin kudal, mga bantayan, mga trangkahan saka mga barat. Sadiri pa nyato an dagang ini, huli ta kinuyog ta an kabotan kan Kagurangnan na satuyang Dios. Inataman niya kita asin tinawan nin katoninongan sa gabos na lugar.” Kaya nagtugdok sinda asin nag-uswag.

2 Mga Cronica 14:8

Si Hadeng Asa igwa nin hukbo, na an tres syentos mil gikan sa Juda, na gabos armado nin kalasag saka garod, asin an dos syentos otsenta mil gikan sa Benjamin, na gabos armado nin kalasag saka mga pana. Mga maiisog saka may kakayahan sinda gabos.

2 Mga Cronica 17:16

An sunod iyo si Amasias na aking lalaki ni Zikri, na sakop an dos syentos mil na soldados. (Boluntad na idinolot ni Amasias an saiyang paglingkod sa Kagurangnan.)

2 Mga Cronica 17:18

Sunod saiya iyo si Jozabad na sakop an syento otsenta mil na soldados, gabos armado sa pakigera.