2 Mga Cronica 17:16 - Marahay na Bareta Biblia

¹⁶ An sunod iyo si Amasias na aking lalaki ni Zikri, na sakop an dos syentos mil na soldados. (Boluntad na idinolot ni Amasias an saiyang paglingkod sa Kagurangnan.)

2 Mga Cronica 17:16 ပူးပေါင်းရင်းမြစ်များ

1 Mga Cronica 29:14

“Alagad siisay man ako asin an sakong banwaan na makakakayang magtao nin boluntad na dolot saimo? Huli ta sa saimo gikan an gabos na bagay, asin samuya man sanang ibinabalik an sadiri mo.

1 Mga Cronica 29:17

O Dios ko, aram kong binabalo mo an puso asin nawiwilihan mo an matanos. Sa malinig na puso, boluntad na idinodolot ko ini gabos, asin nahiling ko an saimong banwaan na maogma saka bulahos na nagdodolot saimo.

1 Mga Cronica 29:9

Tudok sa boot na nagtarao nin dolot an banwaan; naogma sinda huli ta dakul an idinolot sa Kagurangnan. Nag-ogma man nin marahay an hade na si David.

2 Mga Cronica 17:15

Sunod saiya iyo si Jehohanan na sakop an dos syentos otsenta mil na soldados.

2 Mga Cronica 17:17

An pamayo kan hukbo kan mga kamaganakan ni Benjamin iyo si Eliada, sarong bantog na soldados. Sakop niya an dos syentos mil na soldados na armado nin mga kalasag saka mga pana.

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

Hukom 5:2

Pag-omawon an Kagurangnan! Desidido an mga Israelita sa pakilaban; nag-iba sinda na may kaogmahan.

Hukom 5:9

Nasa mga pamayo nin Israel an puso ko, asin nasa mga tawong nag-iriba na may kaogmahan. Pag-omawon an Kagurangnan!