2 Mga Cronica 17:11 - Marahay na Bareta Biblia

¹¹ Nagkapirang mga Filisteo an nagdara ki Jehosafat nin dakulang halaga nin plata saka iba pang mga regalo. Dinarahan man siya kan mga Arab nin syete mil syete syentos na karnero saka syete mil syete syentos na kanding.

2 Mga Cronica 17:11 ပူးပေါင်းရင်းမြစ်များ

2 Samuel 8:2

Dinaog man niya an mga Moabita; pinahigda niya an mga ini sa daga asin ginadan an duwa sa lambang tolo sa sainda. Kaya an mga Moabita nagin mga sorogoon ni David asin nagbayad sinda saiya nin buhis.

1 Mga Hade 5:1

Kan madangog ni Hadeng Hiram nin Tiro na linahidan si Solomon bilang hade na kasalihid kan saiyang ama, nagpadara siya nin mga sugo ki Solomon, huli ta katood siya ni David.

2 Mga Hade 3:4

Si Mesa na hade nin Moab sarong paraataman nin mga karnero, asin taon-taon nagbubuhis siya sa hade nin Israel nin syen mil na kordero asin balukag nin syen mil na karnero.

2 Mga Cronica 17:12

Kaya orog na nagin mapangyari si Jehosafat. Sa bilog na Juda nagtugdok siya nin mga bantayan saka mga syudad

2 Mga Cronica 17:5

Kaya pinapusog nin Kagurangnan an kahadean nin Juda sa pamamahala ni Jehosafat. Dinarahan siya nin mga regalo kan bilog na banwaan, asin nagyaman siya saka ginalangan.

2 Mga Cronica 21:16

Pinasabongan nin Kagurangnan na maanggot ki Jehoram an mga Filisteo saka mga Arab na nag-eerok sa lugar na harani sa mga taga Etiopia.

2 Mga Cronica 26:8

Nagtao nin buhis ki Uzzias an mga Ammonita, asin an saiyang ngaran nakalakop sagkod sa pagdolonan nin Egipto, huli ta siya nagin orog na mapangyari.

2 Mga Cronica 9:14

laen pa kan mga buhis na ibinabayad kan manlaen-laen na mga negosyante. An gabos na hade nin Arabia saka an mga gobernador sa daga nin Israel nagdara man nin mga bulawan asin plata ki Solomon.

2 Mga Cronica 9:24

An lambang saro sainda nagdara nin regalo—mga bagay na gibo sa plata saka bulawan, mga gubing, mira, pahamot, mga kabayo asin mga mula. Ginibo ninda ini taon-taon.

Isaias 13:20

Mayo na nin mag-eerok duman sagkod pa man. Mayong lagalag na Arab na mapatindog kan saiyang tolda duman, asin mayong pastor na mapasabsab kan saiyang mga hayop sa nasabing lugar.

Ezekiel 27:21

An mga taga Arabia saka mga prinsipe nin Kedar nakipagnegosyo saimo. An mga produkto mo rinibayan ninda nin mga kordero, mga karnero, saka mga kanding.