2 Mga Cronica 17:10 - Marahay na Bareta Biblia

¹⁰ Ginibo nin Kagurangnan na matakot an gabos na kahadean sa palibot nin Juda, kaya dai sinda nakigera ki Jehosafat.

2 Mga Cronica 17:10 ပူးပေါင်းရင်းမြစ်များ

Genesis 35:5

Kan magpoon na sindang maglakaw, natakot nin marahay an mga tawong nag-eerok sa mga syudad sa palibot ninda, kaya dai sinda linamag kan mga ini.

2 Mga Cronica 14:13

Linamag sinda ni Asa asin kan mga kairiba kaini sagkod sa Gerar. Nadaog an mga taga Etiopia asin nagadan sinda gabos. Dinaog sinda nin Kagurangnan asin dakul an nasamsam kan mga taga Juda.

2 Mga Cronica 14:14

Dangan narumpag ninda an mga syudad sa palibot nin Gerar huli ta an mga tawo duman natakot sa Kagurangnan. Sinamsaman kan hukbo an mga syudad na ini asin dakul an saindang nakua.

2 Mga Cronica 16:9

Binabantayan nin marahay nin Kagurangnan an bilog na daga tanganing pakosogon an mga tawong an puso maimbod saiya. Kalolongan an ginibo mo, kaya poon ngunyan magkakaigwa ka nin mga gera.”

2 Mga Cronica 20:29

Natakot an gabos na nasyon na nakadangog kun paano dinaog nin Kagurangnan an mga kaiwal nin Israel.

Exodo 34:24

Huli ta mantang kamo naglalaog, papahaleon ko an mga banwaan asin papahiwason ko an saindong teritoryo; mayo nin siisay man na magmamawot na sakopon an saindong daga sa panahon na maatubang kamo sako sa tolong pyestang ini.

Mga Talinhaga 16:7

Kun an pamumuhay nin sarong tawo nawiwilihan nin Kagurangnan, pinapangyari niya na magin mga katood kan tawong iyan maski an saiyang mga kaiwal.

Mikas 7:17

Makamang sinda sa alpog arog sa mga halas; maabot sinda hale sa saindang mga bantayan na nagtatakig saka natatakot. Sa katakotan, madolok sinda sa Kagurangnan na samong Dios.