2 Mga Cronica 16:9 - Marahay na Bareta Biblia

⁹ Binabantayan nin marahay nin Kagurangnan an bilog na daga tanganing pakosogon an mga tawong an puso maimbod saiya. Kalolongan an ginibo mo, kaya poon ngunyan magkakaigwa ka nin mga gera.”

2 Mga Cronica 16:9 ပူးပေါင်းရင်းမြစ်များ

Genesis 31:28

Tano ta dai mo sako pinahadokan an sakong mga makoapo asin mga aki bago kamo naghale. Sala an ginibo mo.

2 Samuel 24:10

Alagad pakatapos kan pagsenso ni David, nagbasol siya asin nagsabi siya sa Kagurangnan, “Nagkasala ako nin makuri huli kan ginibo kong ini! Nakikimaherak ako na patawadon mo ako sa kalolongan kong ini.”

1 Mga Hade 15:32

Si Hadeng Asa nin Juda asin si Hadeng Baasa nin Israel danay na nag-iwal sa bilog na panahon nin saindang paghahade.

2 Mga Hade 20:3

“Giromdoma, O Kagurangnan, na maimbod asin bilog na puso takang pinaglingkodan; ginibo ko an matanos sa saimong atubang.” Dangan nagtangis siya nin makuri.

1 Mga Cronica 21:8

Nagsabi si David sa Dios, “Nagkasala ako nin makuri huli kan ginibo kong ini. Nakikimaherak ako na patawadon mo ako sa kalolongan kong ini.”

2 Mga Cronica 15:17

Dai nahale ni Asa an gabos na paganong altar na pagsasambahan, alagad nagin maimbod siya sa Kagurangnan sa bilog niyang pagkabuhay.

2 Mga Cronica 15:19

Dai na nagkaigwa nin gera sagkod sa ikatreynta y singkong taon kan saiyang paghahade.

2 Mga Cronica 16:10

Naanggot si Asa sa propeta asin ini saiyang ipinabilanggo. Kan panahon man na ini nagpoon na magin makuri si Asa sa nagkapira niyang mga tawohan.

2 Mga Cronica 19:9

Hinulitan niya sinda, “Otobon nindo an saindong katongdan na may pagkatakot sa Kagurangnan, sa kaimbodan asin sa bilog nindong puso.

2 Mga Cronica 6:20

Bantayan mo logod an Templong ini aldaw-banggi, an lugar na ini na saimong pinili na pagsasambahan saimo. Hinanyoga ako kun mag-atubang ako sa Templong ini asin mamibi.

Esdras 5:5

Alagad binantayan nin Dios an mga kamagurangan na Judio, kaya dai pinaontok kan mga taga Persia an mga nagtrabaho sagkod na dai sinda makapag-osip ki Emperador Dario dangan suratan sinda kaini.

An Libro ni Job 28:24

Huli ta nahihiling niya an mga poro kan kinaban, asin an gabos na nasa irarom kan kalangitan.

An Libro ni Job 31:4

Bakong hinihiling niya an sakong mga dalan, asin binibilang an sakong mga lakad?

An Libro ni Job 34:21

Huli ta nagmamasid siya sa mga gawe kan mga tawo, asin nahihiling niya an gabos nindang lakad.

Salmo 113:6

na nagdudungaw sa langit asin sa daga?

Salmo 33:14

Hale sa trono na saiyang natutukawan, an gabos na nag-eerok sa daga saiyang minamasdan;

Salmo 33:15

siya an kaggibo kan puso ninda gabos, asin aram niya an gabos nindang gibo.

Salmo 33:18

Binabantayan nin Kagurangnan an mga natatakot saiya, an mga naglalaom sa danay niyang pagkamoot.

Salmo 34:15

Binabantayan nin Kagurangnan an mga matanos asin dinadangog niya an saindang inagrangay;

Salmo 37:37

Masdan mo an marahay na tawo, asin hilinga an matanos; an matoninong na tawo igwa nin kapagarakian.

Mga Talinhaga 15:3

An Kagurangnan naghihiling maski saen; minamasdan niya an maraot saka an marahay.

Mga Talinhaga 5:21

Nahihiling nin Dios an gabos mong gibo. Saen ka man magduman namamasdan ka niya.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Jeremias 16:17

Nahihiling ko an gabos nindang ginigibo. Mayo nin natatago sako; an mga kasalan ninda dai makakalampas sa sakong panhiling.

Jeremias 32:19

dakula an saimong katuyohan asin makangangalas an saimong mga gibo. Nahihiling mo an ginigibo kan tawo, asin binabalosan mo sinda sosog sa saindang gibo.

Jeremias 5:1

Mga taga Jerusalem, liboton nindo an saindong mga tinampo! Pagmasdan nindo dangan aramon an nasa palibot. Siyasaton nindo an mga plasa. Igwa daw kamo nin nahiling na tawo na naggigibo kan matanos asin naghihingowang magin maimbod sa Dios? Kun igwa kamong mahiling, papatawadon nin Kagurangnan an Jerusalem.

Jeremias 5:21

Pagdangog kamo, lolong saka mangmang na mga tawo na igwang mga mata, alagad dai nakakahiling; na igwang mga talinga, alagad dai nakakadangog.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Mateo 5:22

Alagad ngunyan sinasabihan ko kamo: an maanggot sa saiyang tugang (na mayo nin dahelan), huhukoman; an mag-insulto sa saiyang tugang, dadarahon sa Konseho. An magsabing, ‘Mayo kang pakinabang!’ ihuhulog sa impyerno.

Lukas 12:20

Alagad sinabihan siya nin Dios, ‘Lolong! Ngunyan man sanang banggi magagadan ka. Sa kiisay mapapaduman an mga tinipon mo?’”

1 Corinto 15:36

Lolong! Kun minatanom ka nin banhi dai iyan minatalubo kun dai ngona iyan magadan.

Galacia 3:1

Mga lolong na taga Galacia! Siisay an nakalumay saindo? Malinaw na ipinahayag saindo an pagkagadan ni Jesu-Cristo sa krus!

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

1 Pedro 3:12

Huli ta binabantayan nin Kagurangnan an mga matanos, asin dinadangog niya an saindang pamibi; alagad saiyang kinakalaban an mga naggigibo nin karatan.”

1 Samuel 13:13

Sinimbag ni Samuel si Saul, “Sala an ginibo mo; dai mo kinuyog an togon na itinao saimo nin Kagurangnan na saimong Dios. Kun nagkuyog ka, kutana tinugotan ka asin an saimong kapagarakian na maghade sa Israel sagkod lamang.