2 Mga Cronica 16:2 - Marahay na Bareta Biblia

² Kaya nagkua si Asa nin plata saka bulawan hale sa kayamanan sa Templo saka sa palasyo dangan ipinadara ki Hadeng Benhadad nin Siria na idtoon duman sa Damasco, kaiba an mensaheng ini:

2 Mga Cronica 16:2 ပူးပေါင်းရင်းမြစ်များ

1 Mga Hade 15:18

Kaya kinua ni Asa an gabos na plata saka bulawan na natada sa Templo asin sa palasyo, dangan ipinadara niya sa Damasco. An saiyang mga opisyal iyo an nagdara kan mga bagay na ini ki Hadeng Ben-hadad nin Siria, na aking lalaki ni Tabrimon asin makoapo ni Hezion. Siring kaini an ipinasabi ni Asa:

2 Mga Hade 12:18

kinua ni Hadeng Joas nin Juda an gabos na dolot na itinalaga sa Kagurangnan ni Jehosafat, Jehoram, asin Ahazias, an mga hadeng naenot saiya. Kinua man niya an sadiri niyang mga dolot asin an gabos na bulawan sa kaban nin yaman duman sa Templo saka sa palasyo, dangan ipinadara gabos ki Hadeng Hazael. Kaya dai na sinalakay ni Hadeng Hazael an Jerusalem.

2 Mga Hade 16:8

Kinua ni Ahaz an plata saka bulawan sa Templo asin sa kaban nin yaman sa palasyo dangan irinegalo sa emperador nin Asiria.

2 Mga Hade 18:15

Itinao ni Ezekias sa hade nin Asiria an gabos na plata sa Templo asin sa kaban nin yaman sa palasyo;

2 Mga Cronica 16:1

Kan ikatreynta y seis na taon kan paghahade ni Asa, sinalakay ni Baasa na hade nin Israel an Juda asin pinonan niyang papusogon an Rama tanganing maontok an gabos na paglaog asin pagluwas sa Juda.

2 Mga Cronica 16:3

“Magin magkaalyansa kita siring na nag-alyansa an satong mga ama. Para saimo an plata saka bulawan na ini. Putola ngunyan an saimong pakipag-alyansa ki Hadeng Baasa nin Israel, tanganing haleon niya an saiyang hukbo sa sakong teritoryo.”

2 Mga Cronica 28:21

Kaya kuminua si Ahaz nin bulawan sa Templo, sa palasyo asin sa harong kan mga lider kan banwaan dangan itinao sa emperador nin Asiria, alagad maski ini dai man giraray nakatabang saiya.

Jeremias 49:23

Iyo ini an itinaram nin Kagurangnan manongod sa Damasco: “Nahahadit saka napupurisaw an mga taga Hamat asin an mga taga Arpad huli ta nakadangog sinda nin maraot na bareta. Dai sinda napapaontok huli sa kahaditan, arog sinda sa dagat na maalon.