2 Mga Cronica 16:14 - Marahay na Bareta Biblia

¹⁴ Ilinubong siya sa lulubngan na gapo na tinuki niya duman sa Syudad ni David. An saiyang bangkay inandam ninda para sa paglubong sa paagi nin pagbugtak nin manlaen-laen na pahamot; dangan nagtambak sinda nin igatong asin naggibo nin dakulang kalayo sa pagmondo kan saiyang pagkagadan.

2 Mga Cronica 16:14 ပူးပေါင်းရင်းမြစ်များ

Genesis 50:2

Pakatapos, nagboot siyang embalsamaron an bangkay kan saiyang ama.

Genesis 50:5

‘Kan magagadan na an sakong ama, pinasumpa niya ako na duman ko siya ilubong sa inandam niyang lulubngan sa Canaan. Kaya tugote akong ilubong an sakong ama, asin pakatapos, mabalik ako.’”

2 Samuel 2:32

Dinara ni Joab asin kan saiyang mga tawohan an bangkay ni Asahel dangan ilinubong sa lulubngan kan saiyang ama duman sa Betlehem. Dangan bilog na banggi sindang naglakaw asin pagkaaga, nakaabot sinda sa Hebron.

2 Mga Cronica 16:13

Pakalihis nin duwang taon, nagadan siya.

2 Mga Cronica 21:19

Sa laog nin haros duwang taon, nagtios an hade kan helang na ini na orog na nagngangana sa aroaldaw; nagadan siya sa helang na ini na kanigoan an kulog. An saiyang banwaan dai naggibo nin dakulang sulo bilang pagmondo saiya, bakong arog kan ginibo ninda sa saiyang mga ginikanan.

2 Mga Cronica 32:33

Nagadan si Ezekias asin ilinubong sa itaas na kabtang kan mga lulubngan kan mga aking lalaki ni David. Sa saiyang pagkagadan, tinawan siya nin dakulang kaomawan kan mga taga Juda asin kan mga taga Jerusalem. Si Manases na saiyang aking lalaki iyo an nagsalihid saiya bilang hade.

2 Mga Cronica 35:24

Kaya hinale siya ninda sa karwahe dangan ibinugtak sa saro pa niyang karwahe saka dinara sa Jerusalem. Duman siya nagadan asin ilinubong sa lulubngan kan mga hade. An saiyang pagkagadan pinagmondoan kan bilog na Juda saka Jerusalem.

Parahulit 10:1

An gadan na mga langaw nakakapabata sa sarong botelyang pahamot, asin an kadikit na kalolongan pwedeng makaraot sa kadonongan asin onra.

Isaias 22:16

“Siisay ka sa paghona mo? Ano an deretso mo na mag-ukit nin lulubngan para sa saimo sa magapong parte kan bulod?

Jeremias 34:5

Matoninong kang magagadan asin magtututong sinda nin insenso para saimo arog kan pagtutong ninda nin insenso kan ilubong ninda an saimong mga ginikanan, an mga hadeng nagkaerenot saimo. Magmomondo sinda saka magsasabi, ‘Gadan na an samong hade!’ Ako, an Kagurangnan, an nagtaram.”

Markos 16:1

Pakalihis kan aldaw na Sabbath, nagbakal nin mga pahamot na ilalahid sa bangkay ni Jesus si Maria Magdalena, si Maria na ina ni Santiago asin si Salome.

1 Samuel 31:12

nagduruman an mga maiisog na lalaki; bilog na banggi sindang nagralakaw pasiring sa Bet-san. Kinua ninda sa kudal an mga bangkay ni Saul asin kan saiyang mga aking lalaki. Dinara ninda idto sa Jabes, asin sinulo duman.