2 Mga Cronica 15:7 - Marahay na Bareta Biblia

⁷ Alagad magmaisog kamo! Hare nindo pagpaluyaha an saindong boot huli ta babalosan an gabos nindong gibo.”

2 Mga Cronica 15:7 ပူးပေါင်းရင်းမြစ်များ

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

1 Mga Cronica 28:20

Dangan sinabihan ni David si Solomon na saiyang aki, “Pagmakosog asin pagmaisog. Gibohon mo an trabaho; dai ka matakot ni manluya an boot, huli ta iibahan ka kan Kagurangnan Dios, na sakuyang pinaglilingkodan. Dai ka niya papabayaan sagkod na matapos an gabos na trabaho sa Templo.

2 Mga Cronica 19:11

An Halangkaw na Padi na si Amarias iyo an igwa kan kapangyarihan manongod sa mga kasong relihiyoso; siring man si Zebadias na aking lalaki ni Ismael, an gobernador nin Juda, iyo an igwa kan kapangyarihan manongod sa mga kasong sibil. An mga Levita iyo an malingkod saindo bilang mga opisyal. Pakosogon nindo an saindong boot asin ibahan logod nin Kagurangnan an matanos!”

2 Mga Cronica 32:7

“Magmakosog kamo saka magmaisog. Dai kamo matakot sa emperador nin Asiria asin sa bilog na hukbo na kaiba niya, huli ta kaiba ta an sarong mas dakula ki sa kaibahan niya.

Salmo 19:11

Huli kan saimong mga pagboot, an saimong sorogoon napapatanidan; igwa nin dakulang balos an pagkuyog kan mga iyan.

Salmo 27:14

Magsarig sa Kagurangnan. Magmaisog, pakosogon an puso. Magsarig sa Kagurangnan!

Salmo 58:11

Masabi an mga tawo, “Totoong an mga matanos binabalosan; totoong may Dios na naghuhukom sa kinaban.”

Jeremias 31:16

Ontoka an saimong pagtangis saka pahida an saimong mga luha. Huli ta babalosan an pagpagal mo para sa saimong mga aki; mabalik sinda hale sa daga kan mga kaiwal.

Daniel 10:19

Nagsabi siya, “Lalaking namomotan nin marahay, dai ka matakot, mapasaimo an katoninongan; magmakosog ka asin magmaisog.” Pakasabi niya kaini, namatean kong orog akong nagkosog asin nagsabi ako, “Kagurangnan, tarami ako kan sasabihon mo huli ta napakosog mo na ako.”

Zacarias 8:9

“Magmakosog kamo! An parehong mga tataramon na itinaram kan mga propeta kan ibinubugtak an pundasyon para sa pagpatindog giraray kan sakong Templo, iyo an saindong nadadangog ngunyan.

Mateo 5:12

Arog man kaini an ginibo sa mga propetang naenot saindo. Orog na mag-ogma kamo, ta dakula an balos saindo sa langit.

Mateo 5:46

Kun namomotan nindo an mga namomoot sana saindo, ano pang balos an hinahalat nindo? Bakong arog man kaiyan an ginigibo kan mga parasingil nin buhis?

Mateo 6:1

“Mag-ingat kamo na an saindong mga gibong herak bakong sa pagpahiling sa mga tawo. Kun arog kaiyan an gibo nindo, dai na kamong aakoon na balos hale sa saindong Ama sa langit.

Mateo 6:18

tanganing dai maaraman kan mga tawo na nag-aayuno ka. An saimong Ama na dai nahihiling, iyo sana an makakaaram. Siya na nakakahiling sa hilom, an mabalos saimo.

Mateo 6:4

tanganing magin hilom an saindong paglimos; asin babalosan kamo kan saindong Ama na nakakahiling sa hilom.

Mateo 6:6

Alagad kun namimibi kamo, lumaog kamo sa kwarto asin maminto kamo. Diyan kamo mamibi sa saindong Ama na dai nahihiling; asin babalosan kamo kan saindong Ama na nakakahiling sa hilom.

Lukas 6:35

Bakong arog kaiyan! Kundi kamotan nindo an saindong mga kaiwal asin gibohan nindo sinda nin marahay. Magpasubli kamo na dai naghahalat nin balos. Kun iyan an gibohon nindo, magkakaigwa kamo nin dakulang balos, asin magigin mga aki kamo kan Kahorohalangkawe. Huli ta marahayon siya sa mga mayo nin utang na boot asin sa mga makasadiri.

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.

1 Corinto 16:13

Magpuka kamo asin magdanay na masarig sa pagtubod; magmaigot kamo saka magmakosog.

1 Corinto 3:14

Kun an edipisyo dai masulo, an nagtugdok kaiyan maako nin premyo.

1 Corinto 3:8

Mayong kalaenan an tawong nagtatanom saka an tawong nagbabaribi; babalosan nin Dios an lambang saro sainda sosog sa ginibo niya.

Efeso 6:10

Sa kataposan, magin makosog kamo sa pakisumaro sa Kagurangnan, sa kosog kan saiyang kapangyarihan.

Colosas 3:24

Giromdoman nindong aakoon nindo sa Kagurangnan an pamana na tagama niya sa saiyang banwaan. Huli ta si Cristo iyo an tunay na Kagurangnan na pinaglilingkodan nindo.

Hebreyo 10:35

Kaya dai kamo mawaraan nin kosog nin boot huli ta may katimbang ining dakulang balos.

Hebreyo 6:10

An Dios masuripot. Dai niya malilingawan an mga ginibo nindo asin an pagkamoot na ipinahiling nindo sa mga kapwa Cristiano huli saiya, dangan padagos nindo pang ginigibo.

Josue 1:6

Magmaisog ka asin pakosoga an saimong boot, huli ta ika an mangengenot kaining mga tawo sa pagsakop ninda sa dagang ipinanuga ko sa saindang mga ginikanan.

Josue 1:7

Magmaisog ka sana asin pakosoga an saimong boot; kuyogon mo nanggad an gabos na togon na itinao saimo kan sakong sorogoon na si Moises. Dai ka magsuhay kan arin man kaiyan asin magigin marahay an saimong buhay maski saen ka magduman.

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Josue 14:14

An Hebron sadiri ngunyan kan mga kapagarakian ni Caleb na aki ni Jefunne na Keneceo, huli ta maimbod siyang nagkuyog sa Kagurangnan, an Dios nin Israel.

2 Juan 1:8

Kaya maglikay kamo, tanganing dai mawara an saindong pinagpagalan, kundi makamtan nindo an bilog na balos saindo.

Ruth 2:12

Balosan ka logod nin Kagurangnan huli kan saimong ginibo. Magkaigwa ka logod kan maninigong kabayadan hale sa Kagurangnan, an Dios kan Israel, na dinolok mo tanganing magpaataman.”