2 Mga Cronica 15:3 - Marahay na Bareta Biblia

³ An Israel namuhay na mayo kan tunay na Dios sa haloy na panahon, mayo nin mga padi na nagtukdo sainda asin mayo nin katogonan.

2 Mga Cronica 15:3 ပူးပေါင်းရင်းမြစ်များ

2 Mga Cronica 17:7

Kan ikatolong taon nin saiyang paghahade, ipinadara niya an mga opisyal na si Benhail, Obadias, Zacarias, Netanel asin Micaias tanganing magtukdo sa mga syudad nin Juda.

Nehemias 8:9

Kan madangog kan mga tawo an hinahagad kan Katogonan, natanyog an saindang boot asin huminibi sinda. Kaya sinabihan sinda ni Nehemias, na iyo an gobernador, ni Esdras na padi saka paratukdo kan Katogonan, asin kan mga Levita na nagtukdo sa mga tawo, “An aldaw na ini banal sa Kagurangnan na saindong Dios, kaya dai kamo magmondo o maghibi.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Mga Panambitan 2:9

An mga trangkahan natahoban na kan mga gaba; bari asin ronot na an mga barat kan mga iyan. Nabihag na an hade asin an mga prinsipe; mayo na an Katogonan. An mga propeta dai na nagkakaigwa nin mga bisyon hale sa Kagurangnan.

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Levitico 10:11

Kaipuhan tukdoan mo an gabos na tawo nin Israel kan mga ipinagboboot ko saimo sa paagi ni Moises.”

Levitico 10:8

Tinaraman nin Kagurangnan si Aaron,

Amos 8:11

“Maabot an panahon na mapadara ako nin makuring gutom sa daga. Magugutom an mga tawo, alagad bakong para sa kakanon; mapapaha sinda, alagad bakong para sa tubig. Magugutom asin mapapaha sinda para sa mensaheng hale sa Kagurangnan. Ako, an Kagurangnan Dios, an nagtaram.

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Malakias 2:7

Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Roma 2:12

An gabos na nagkakasala na bakong sakop kan Katogonan ni Moises, magagadan na suhay sa Katogonan. An gabos na nagkakasala na sakop kan Katogonan, huhukoman sosog sa Katogonan.

1 Corinto 9:21

Kun mga pagano an kaiba ko, arog man sainda an pamumuhay ko, na garo bakong sakop kan Katogonan, tanganing madara ko sinda sa pagtubod. Bakong nangangahulugan iyan na dai ko na inootob an katogonan nin Dios; ako totoong sakop kan katogonan ni Cristo.

Deuteronomio 33:10

Huhulitan ninda an saimong banwaan na magkuyog kan saimong katogonan; madolot sinda nin mga atang sa ibabaw kan saimong altar.

1 Tesalonica 1:9

huli ta sinda mismo an nagbabareta kun paano nindo kami inako kan dalawon mi kamo; kun paano an pagtalikod nindo sa mga dios-dios tanganing makapaglingkod kamo sa totoo saka buhay na Dios,

1 Timoteo 3:2

An lider dapat sarong tawo na mayong digta an pamumuhay. Dapat saro sana an agom niya, tataong magpugol sa sadiri, toltol sa isip, may dignidad, bukas an harong sa pagpadagos sa kapwa, marahay magtukdo.

1 Juan 5:20

Aram man nyato na an Aki nin Dios nagdigdi saka nagtao sato nin pakasabot, nganing mamidbidan ta an totoong Dios. Yaon kita sa totoong Dios, sa saiyang Aki na si Jesu-Cristo. Iyo ini an totoong Dios, asin an buhay na daing kataposan.