2 Mga Cronica 15:2 - Marahay na Bareta Biblia

² asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 15:2 ပူးပေါင်းရင်းမြစ်များ

1 Mga Hade 11:25

Nagin kaiwal kan Israel si Rezon sa bilog na panahon kan paghahade ni Solomon.

1 Mga Hade 18:18

“Bako ako an nagpaparibok sa Israel,” an simbag ni Elias, “kundi ika asin an saimong ama. Huli ta linalapas mo an mga pagboot nin Kagurangnan asin sinasamba mo si Baal.

2 Mga Hade 21:14

Papabayaan ko an kadikit na matadang buhay, asin itatao ko sinda sa saindang mga kaiwal, na masakop sainda saka masamsam kan saindang daga.

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 11:12

nagbugtak man siya nin mga kalasag asin mga garod sa gabos na syudad. Sa paaging ini, ibinugtak ni Rehoboam sa irarom kan saiyang kapangyarihan an Juda asin an Benjamin.

2 Mga Cronica 12:5

An propetang si Semaias nagduman ki Hadeng Rehoboam asin sa mga lider nin Juda na nagtiripon sa Jerusalem sa pagdulag ki Sisak. Sinabihan niya sinda, “Nagtaram an Kagurangnan, ‘Tinalikodan nindo ako, kaya papabayaan ko kamo sa kapangyarihan ni Sisak.’”

2 Mga Cronica 13:12

An Dios kaibahan mi asin iyo an samong pamayo; andam an saiyang mga padi sa pagpatanog kan mga trompeta tanganing labanan nyamo kamo. Banwaan nin Israel, hare kamo pagtumang sa Kagurangnan, an Dios kan saindong mga ginikanan, huli ta dai kamo manggagana!”

2 Mga Cronica 13:4

An duwang hukbo naghampangan sa mabulod na banwa nin Efraim. Nagtukad si Hadeng Abias sa Bukid nin Zemaraim asin kinurahawan si Jeroboam saka an mga Israelita, “Dangoga ako nindo!

2 Mga Cronica 15:15

Nag-ogma an bilog na banwaan nin Juda huli ta ginibo ninda an pakipagtipan na ini sa bilog nindang puso. Naogma sinda na magsamba sa Kagurangnan, asin inako niya sinda saka tinawan nin katoninongan sa bilog na lugar.

2 Mga Cronica 15:4

Alagad kan mag-apod sinda sa panahon nin kasakitan, asin hinanap an Kagurangnan, an Dios nin Israel, nakua siya ninda.

2 Mga Cronica 20:15

Nagtaram si Jahaziel, “Dangoga, O Hadeng Jehosafat, asin kamo gabos na taga Juda saka taga Jerusalem! Nagtataram an Kagurangnan na dai kamo manluya o matakot sa atubang kan dakulang hukbong ini; huli ta bakong saindo an gerang ini kundi sa Dios.

2 Mga Cronica 20:17

Dai kaipuhan na labanan nindo sinda sa gerang ini. Mag-ontok sana kamo sa tamang lugar, dai maggibo nin anoman asin mahihiling nindo an kapangganahan nin Kagurangnan para saindo. Banwaan nin Juda asin Jerusalem, dai kamo manluya o matakot. Lumuwas kamo sa pakilaban sainda, asin iibahan kamo nin Kagurangnan!”

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

2 Mga Cronica 24:20

Dangan an espiritu nin Dios nag-abot ki Zacarias na aking lalaki kan padi na si Jehoiada. Nagtindog si Zacarias sa lugar na mahihiling kan mga tawo dangan nagsabi, “Ini an tataramon nin Kagurangnan: ‘Tadaw ta tinalikodan nindo an sakuyang mga togon, pagtalikod na dai magdadara saindo nin kauswagan? Huli ta binayaan nindo ako, babayaan ko man kamo.’”

2 Mga Cronica 26:5

Mantang buhay pa an parahatol niya na si Zacarias, maimbod siyang naglingkod sa Kagurangnan asin pinauswag siya nin Dios.

2 Mga Cronica 32:8

Kaiba niya an kosog nin tawo, alagad kaiba ta an Kagurangnan na satuyang Dios, na matabang satuya asin makikilaban kan satuyang mga gera.” Napakosog an boot kan mga tawo kan mga tataramon na ini ni Ezekias na hade nin Juda.

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

2 Mga Cronica 33:12

Sa saiyang pagtios, nagin mapakumbaba siya sa Dios nin saiyang mga ginikanan asin naghagad nin tabang.

2 Mga Cronica 34:3

Sa ikawalong taon kan paghahade ni Josias, maski hoben pa siya, nagpoon siyang magsamba sa Dios nin saiyang ginikanan na si David. Pakalihis nin apat na taon, pinonan niyang haleon sa Juda saka sa Jerusalem an paganong mga lugar na pagsasambahan kan mga dios-dios asin an mga tanda kan diosang si Asera pati an inukit saka tinunaw na mga imahen.

Esdras 8:22

Nasopog ako na maghagad sa emperador nin sarong tropa nin nakakabayong mga soldados tanganing bantayan kami sa mga kaiwal mantang kami nagbabaklay, huli ta sinabihan ko an emperador na binabantayan nin samuyang Dios an gabos na nagsasarig saiya, asin an bagsik kan saiyang kaanggotan pinapahugpa niya sa gabos na minatalikod saiya.

Salmo 34:4

Namibi ako sa Kagurangnan, asin sinimbag niya ako; ilinigtas niya ako sa gabos kong katakotan.

Salmo 53:2

Hale sa langit minadungaw an Dios sa paghiling sa mga aki nin tawo, kun igwa sainda nin mga madonong, nin mga naghahanap sa Dios.

Isaias 45:19

Bakong sa hilom kan ako magtaram asin dai ko tinago an sakong katuyohan. Dai ko hinagad sa banwaan nin Israel na hanapon ako sa mamondong lugar. Ako an Kagurangnan, asin nagsasabi ako kan katotoohan; ipinapahayag ko kun ano an tama.”

Isaias 51:1

Nagsasabi an Kagurangnan, “Pagdangog kamo sako, kamo na boot na makaligtas, kamo na minadolok sako tanganing magpatabang. Isipa nindo an gapong saindong hinalean, an lugar na pinagkuahan saindo.

Isaias 7:13

Nagsabi si Isaias, “Pagdangog kun siring, kapagarakian ni Hadeng David. Dikit pa daw sa saindo an pagbalo kan pagkamatinios nin mga tawo, ta binabalo pa nindo an pagkamatinios nin sakong Dios?

Jeremias 2:17

Israel, ika an nagdara kaini sa saimong sadiri! Tinalikodan mo ako, an Kagurangnan na saimong Dios, kan pinapangenotan ko kamo sa saindong pagbaklay.

Amos 5:14

Giboha nindo an matanos asin bakong an maraot, tanganing mabuhay kamo. Dangan tunay na masasakaibahan nindo an Kagurangnan, an Dios nin mga hukbo, siring sa sinasabi nindo.

Zacarias 1:3

alagad sinasabihan ko kamo, ‘Magbalik kamo sako asin mabalik ako sa saindo.

Mga Bilang 14:42

Dai kamo magpadagos; mayo sa kaibahan nindo an Kagurangnan asin madadaog kamo kan mga kaiwal.

Mga Bilang 14:43

Sa oras na labanan nindo an mga Amalekita asin mga Cananeo, magagadan kamo; dai kamo iibahan nin Kagurangnan huli ta nagtalikod kamo saiya.”

Mateo 13:9

Nagsabi si Jesus, “An may talinga, magdangog!”

Deuteronomio 20:1

“Kun magluwas kamo sa pakigera sa saindong mga kaiwal, asin mahiling nindo na mas dakul ki sa saindo an saindang mga kabayo, karwahe asin hukbo, dai kamo matakot sa sainda; kaibahan nindo an Kagurangnan na saindong Dios na nagluwas saindo hale sa Egipto.

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.

Deuteronomio 4:29

Hihidawon nindo duman an Kagurangnan na saindong Dios, asin kun hahanapon nindo siya sa bilog nindong puso, makukua nindo siya.

Hebreyo 10:38

An tawong matanos, mabubuhay sa pagtubod; alagad kun sumibog siya, dai ko siya ikakaogma.”

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?

Santiago 4:8

Rumani kamo sa Dios asin marani an Dios saindo. Mga parakasala, maghanaw kamo kan mga kamot nindo! Kamong mga parasagin-sagin, linigan nindo an saindong mga puso!

Josue 22:31

Nagsabi sainda si Finehas, na aki ni Eleazar na padi, “Aram mi na ngunyan na kaiba nyato an Kagurangnan. Dai kamo nagtumang saiya, kaya ilinigtas nindo an mga Israelita sa padusa nin Kagurangnan.”

Josue 24:20

Kun talikodan nindo siya tanganing maglingkod sa dayuhan na mga dios, maaanggot siya saindo saka papadusahan niya kamo. Gagadanon niya kamo, maski ngani marahay siya kaidto sa saindo.”

Kapahayagan 2:11

“An may talinga, magdangog sa sinasabi kan Espiritu sa mga simbahan! “An mga manggagana dai na maagi kan ikaduwang kagadanan.

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.

Kapahayagan 2:29

“An may talinga, magdangog sa mga sinasabi kan Espiritu sa mga simbahan!

Kapahayagan 2:7

“An may talinga, magdangog sa sinasabi kan Espiritu sa mga simbahan! “Sa mga manggagana, itatao ko an deretsong magkakan kan bunga kan kahoy nin buhay na nasa Paraiso nin Dios.

Kapahayagan 3:13

“An may talinga, magdangog sa sinasabi kan Espiritu sa mga simbahan!

Kapahayagan 3:22

“An may talinga, magdangog sa sinasabi kan Espiritu sa mga simbahan!”

Kapahayagan 3:6

“An may talinga, magdangog sa sinasabi kan Espiritu sa mga simbahan!”

Hukom 10:13

Alagad binayaan nindo ako asin sinamba nindo an ibang dios, kaya dai ko na kamo ililigtas.

Hukom 9:7

Kan madangog ini ni Jotam, nagduman siya asin nagtindog sa alitoktok kan Bukid nin Gerizim dangan nagkurahaw sa sainda, “Dangoga nindo ako, kamong mga taga Shekem, asin dangogon logod kamo nin Dios!

1 Samuel 12:14

Kun galangan nindo an Kagurangnan na saindong Dios, paglingkodan siya, dangogon asin kuyogon an saiyang mga pagboot; kun kamo saka an saindong hade magsunod sa Kagurangnan, mapapakarahay kamo.

1 Samuel 12:15

Alagad kun dai nindo hinanyogon an Kagurangnan, kundi lapason an saiyang mga togon, lalabanan niya kamo asin an saindong hade.