2 Mga Cronica 14:6 - Marahay na Bareta Biblia

⁶ Pinapusog ni Asa an mga syudad nin Juda. Dakul na taon na dai nagkaigwa nin gera kan panahon niya huli ta itinao saiya nin Kagurangnan an katoninongan.

2 Mga Cronica 14:6 ပူးပေါင်းရင်းမြစ်များ

1 Mga Hade 5:4

Alagad ngunyan tinawan ako nin Kagurangnan na sakong Dios nin katoninongan sa gabos kong pagdolonan. Mayo na ako nin kaiwal asin mayo nang paghandal na tibaad salakayon.

1 Mga Cronica 22:13

Dangan magigin mauswag ka kun kuyogon mo an mga togon asin mga pagboot na itinao nin Kagurangnan ki Moises para sa Israel. Magmakosog ka. Dai ka matakot, ni manluya.

1 Mga Cronica 22:9

Alagad nagtaram siya sako, ‘Magkakaigwa ka nin aking lalaki. Maghahade siya sa katoninongan; dai siya pupurisawon asin iiwalon kan saiyang mga kaiwal. Solomon an saiyang magigin ngaran, huli ta sa panahon nin saiyang paghahade, tatawan ko nin katoninongan asin katiwasayan an Israel.

2 Mga Cronica 15:15

Nag-ogma an bilog na banwaan nin Juda huli ta ginibo ninda an pakipagtipan na ini sa bilog nindang puso. Naogma sinda na magsamba sa Kagurangnan, asin inako niya sinda saka tinawan nin katoninongan sa bilog na lugar.

2 Mga Cronica 17:4

kundi naglingkod sa Dios nin saiyang ama, nagsunod sa mga pagboot nin Dios asin dai nag-arog sa ginibo kan mga hade nin Israel.

2 Mga Cronica 20:30

Kaya nagin matoninong an paghahade ni Jehosafat huli ta ilinikay siya nin Dios sa anoman na pag-alaman sa palibot niya.

2 Mga Cronica 26:5

Mantang buhay pa an parahatol niya na si Zacarias, maimbod siyang naglingkod sa Kagurangnan asin pinauswag siya nin Dios.

2 Mga Cronica 31:21

Nagin mauswag siya huli ta an gabos na ginibo niya para sa Templo o sa pag-otob kan Katogonan, ginibo niya sa bilog niyang puso.

2 Mga Cronica 34:3

Sa ikawalong taon kan paghahade ni Josias, maski hoben pa siya, nagpoon siyang magsamba sa Dios nin saiyang ginikanan na si David. Pakalihis nin apat na taon, pinonan niyang haleon sa Juda saka sa Jerusalem an paganong mga lugar na pagsasambahan kan mga dios-dios asin an mga tanda kan diosang si Asera pati an inukit saka tinunaw na mga imahen.

An Libro ni Job 34:29

“Kun siya magtoninong, siisay an makondenar? Kun tagoon niya an saiyang lalawogon, siisay an makakahiling saiya, nasyon man o tawo?

Salmo 46:9

Pinapaontok niya an mga gera sa bilog na kinaban; binabari niya an mga pana, pinuputol an mga garod, asin sinusulo niya an mga kalasag.

Josue 23:1

Pakalihis nin halawig na panahon, tinawan nin Kagurangnan nin katiwasayan an Israel laban sa mga kaiwal sa palibot ninda. Kan panahon na iyan, gurang nang marahay si Josue,

Hukom 3:11

Pakatapos kaini, nagkaigwa nin katoninongan an daga sa laog nin kwarentang taon, dangan nagadan si Otniel.

Hukom 3:30

Kan aldaw na idto, dinaog kan mga Israelita an Moab, asin nagkaigwa nin katoninongan sa daga sa laog nin otsentang taon.

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.