2 Mga Cronica 14:4 - Marahay na Bareta Biblia

⁴ Pinagbotan niya an banwaan nin Juda na magkuyog kan kabotan nin Kagurangnan, an Dios kan saindang mga ginikanan, asin mag-otob kan saiyang mga togon saka pagboot.

2 Mga Cronica 14:4 ပူးပေါင်းရင်းမြစ်များ

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

2 Mga Cronica 11:16

Hale sa gabos na tribu nin Israel, an gabos na nagmawot nin tudok sa puso na pagsamba sa Kagurangnan, an Dios nin Israel, nagsurunod sa mga Levita pasiring sa Jerusalem tanganing magdolot nin mga atang sa Kagurangnan, an Dios kan saindang mga ginikanan.

2 Mga Cronica 14:3

Hinale niya an dayuhan na mga altar asin paganong mga lugar na pagsasambahan, rinumpag an mga harigi saka mga simbolo kan diosang si Asera.

2 Mga Cronica 14:5

An kahadean na sakop niya nagkaigwa nin katoninongan huli ta hinale niya sa gabos na syudad nin Juda an gabos na paganong mga lugar na pagsasambahan asin an mga altar nin insenso.

2 Mga Cronica 29:21

Nagdara sinda nin pitong torong baka, pitong karnero, pitong kordero saka pitong lalaking kanding bilang dolot para sa kasalan kan pamilya kan hade saka kan banwaan nin Juda, asin tanganing malinigan an Templo. Pinagbotan niya an mga padi, an mga kapagarakian ni Aaron, na idolot an mga hayop sa altar nin Kagurangnan.

2 Mga Cronica 29:27

Dangan nagboot si Hadeng Ezekias na idolot sa altar an mga tinutong na atang. Pagpoon kan pagdolot, nag-awit nin pag-omaw sa Kagurangnan an mga tawo, kasabay an tanog kan mga trompeta asin kan ibang mga instrumento nin musika.

2 Mga Cronica 29:30

An mga Levita pinagbotan kan hade asin kan mga lider na awiton sa Kagurangnan an mga awit nin pag-omaw na sinurat ni David asin kan propeta na si Asaf. Nag-awit an gabos sa dakulang kaogmahan mantang nakadukong nagsasamba sa Dios.

2 Mga Cronica 30:12

Pinangyari nin Dios na magkasararo an mga taga Juda sa pagkuyog kan saiyang kabotan huli sa pagsunod kan pagboot kan hade asin kan mga opisyal kaini.

2 Mga Cronica 30:19

“O Kagurangnan, Dios nin samuyang mga ginikanan, sa saimong pagkamarahayon patawada an mga nagsasamba saimo nin tudok sa puso, maski dai sinda nakapag-otob kan mga pagsusundon manongod sa paglinig.”

2 Mga Cronica 33:16

Hinirahay man niya an altar nin Kagurangnan saka nagdolot siya duman nin mga sakripisyo, mga dolot para sa katoninongan asin mga dolot nin pasasalamat. Pinagbotan niya an Juda na maglingkod sa Kagurangnan, an Dios nin Israel.

Nehemias 13:9

Dangan nagboot ako na linigan an mga kwarto asin ibalik sa laog kan Templo an mga kagamitan, an mga dolot na pagkakan saka an insenso.

Salmo 119:10

Sa bilog kong puso hinahanap taka; dai man logod ako makasuhay sa saimong mga togon.

Amos 5:4

An Kagurangnan nagtataram sa banwaan nin Israel, “Madya kamo sa sako, asin mabubuhay kamo.

Josue 24:15

Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”

1 Samuel 3:13

Tinaraman ko na siya na papadusahan ko sagkod pa man an saiyang pamilya huli kan mga maraot na sinabi kan saiyang mga aking lalaki tumang sako. Aram ni Eli na ginigibo ninda ini, alagad dai niya sinda sinaway.