2 Mga Cronica 14:2 - Marahay na Bareta Biblia

² Nawilihan nin Kagurangnan si Asa huli ta ginibo kaini an marahay saka matanos.

2 Mga Cronica 14:2 ပူးပေါင်းရင်းမြစ်များ

1 Mga Hade 15:11

Ginibo ni Asa an matanos sa atubang nin Kagurangnan, siring kan ginibo ni David na saiyang ginikanan.

1 Mga Hade 15:12

Pinalayas niya sa daga an mga lalaki saka mga babaeng naggigibo nin karigsokan sa mga altar, asin hinale niya an gabos na mga ladawan na ginibo kan mga hadeng naenot saiya.

1 Mga Hade 15:14

Maski dai niya ginaba an gabos na altar na pagsasambahan, nagdanay siyang maimbod sa Kagurangnan sa bilog niyang buhay.

2 Mga Cronica 14:1

Nagadan si Hadeng Abias asin ilinubong sa Syudad ni David. Si Asa na saiyang aking lalaki iyo an nagsalihid saiya bilang hade, asin kan panahon niya, an daga nagkaigwa nin katoninongan sa laog nin sampolong taon.

2 Mga Cronica 14:3

Hinale niya an dayuhan na mga altar asin paganong mga lugar na pagsasambahan, rinumpag an mga harigi saka mga simbolo kan diosang si Asera.

2 Mga Cronica 15:16

Maski si Maaca na saiyang lola hinale ni Asa bilang inang-reyna, huli ta naggibo ini nin sarong makauuyam na imahen ni Asera. Pinutol ni Asa an imahen, rinonot, dangan sinulo sa may Sapa nin Kidron.

2 Mga Cronica 17:6

Ipinag-orgulyo niya an paglingkod sa Kagurangnan asin hinale niya sa Juda an paganong mga lugar na pagsasambahan saka an mga simbolo kan diosang si Asera.

2 Mga Cronica 20:32

Arog sa saiyang ama na si Asa, ginibo niya an matanos sa atubang nin Kagurangnan.

2 Mga Cronica 21:12

Sarong surat an ipinadara saiya ni propeta Elias na an sabi, “Ini an tataramon nin Kagurangnan, an Dios ni David na saimong ginikanan: ‘Huli ta dai mo inarog an ginibo ni Jehosafat na saimong ama, o an ginibo ni Asa na saimong lolo,

2 Mga Cronica 31:1

Pakatapos kan pyesta, naglibot an mga Israelita sa mga syudad nin Juda asin pinaralod an mga harigi saka mga simbolo kan diosang si Asera saka rinaot an mga paganong altar asin mga lugar na pagsasambahan sa bilog na Juda, sa Benjamin, sa Efraim asin sa Manases. Pakatapos nagpuruli sinda gabos sa saindang harong.

2 Mga Cronica 31:20

Sa bilog na Juda, ginibo ni Hadeng Ezekias an matanos saka an nawiwilihan nin Kagurangnan na saiyang Dios.

2 Mga Cronica 34:7

Ginaba niya an mga altar asin an mga tanda kan diosang si Asera, rinonot siring sa alpog an ladawan kan mga dios-dios saka rinaot an gabos na altar nin insenso sa bilog na daga nin Israel. Pakatapos, nagbalik siya sa Jerusalem.

Exodo 23:24

Dai kamo magduko o magsamba sa saindang mga dios-dios, o mag-arog kan saindang mga ginigibo. Raoton nindo an saindang mga dios-dios asin gabaon nindo an saindang mga banal na hariging gapo.

Lukas 1:75

sa kabanalan asin katanosan, sa gabos na aldaw nin satong pagkabuhay.

Deuteronomio 12:3

Gabaon nindo an saindang mga altar asin ronoton an saindang mga banal na hariging gapo. Suloon nindo an mga simbolo kan saindang diosang si Asera asin patokon nindo an saindang mga dios-dios tanganing dai na nanggad pagsambahon an mga iyan sa mga lugar na idto.