2 Mga Cronica 14:14 - Marahay na Bareta Biblia

¹⁴ Dangan narumpag ninda an mga syudad sa palibot nin Gerar huli ta an mga tawo duman natakot sa Kagurangnan. Sinamsaman kan hukbo an mga syudad na ini asin dakul an saindang nakua.

2 Mga Cronica 14:14 ပူးပေါင်းရင်းမြစ်များ

Genesis 35:5

Kan magpoon na sindang maglakaw, natakot nin marahay an mga tawong nag-eerok sa mga syudad sa palibot ninda, kaya dai sinda linamag kan mga ini.

1 Mga Hade 15:23

An iba pang ginibo ni Asa, an saiyang kaisogan asin an mga banwang pinapusog niya, nasusurat gabos sa An Kasaysayan kan mga Hade nin Juda. Alagad kan gurang na si Asa napilay siya huli kan helang sa bitis.

2 Mga Hade 7:16

Dangan nagruluwas an mga tawo asin sinamsaman an kampo kan Siria. Kaya sosog sa sinabi nin Kagurangnan, an tolong kilo kan pinakamarahay na trigo o anom na kilo kan sebada ipinabakal sa halagang sarong pedaso nin plata.

2 Mga Cronica 14:15

Sinalakay man ninda an mga kampo kan mga pastor nin karnero, dangan kinurua ninda an dakul na karnero saka mga kamelyo. Pakatapos, nagpuli sinda sa Jerusalem.

2 Mga Cronica 17:10

Ginibo nin Kagurangnan na matakot an gabos na kahadean sa palibot nin Juda, kaya dai sinda nakigera ki Jehosafat.

2 Mga Cronica 20:25

Nagdolok si Jehosafat asin an saiyang hukbo tanganing samsaman an mga kaiwal. Nakakua sinda nin dakul na baka, mga kagamitan, mga gubing asin iba pang mahalagang mga bagay. Inabot sinda nin tolong aldaw sa panamsam alagad dai ninda naubos huli ta dakul nin marahay.

2 Mga Cronica 20:29

Natakot an gabos na nasyon na nakadangog kun paano dinaog nin Kagurangnan an mga kaiwal nin Israel.

An Libro ni Job 15:21

Makangirhat na mga tingog an saiyang madadangog; masalakay an mga tulisan sa oras na iniisip niyang ligtas.

Salmo 68:12

“Nagdurulag an mga hade asin an saindang mga hukbo!” Sa harong binaranga kan mga babae an mga sinamsam:

Isaias 31:9

Huli sa takot, madulag an saindang hade, asin babayaan kan mga opisyal an saindang mga banderang panggera huli sa makuring pagkatakot.” An Kagurangnan an nagtaram—an Kagurangnan na sinasamba sa Jerusalem asin an saiyang kalayo naglalaad duman para sa mga sakripisyo.

Roma 8:37

Dai! An gabos na ini madadaog ta huli ki Cristo, na namoot sato!

Deuteronomio 2:25

Magpoon ngunyan na aldaw, gigibohon kong katakotan kamo kan gabos na tawo sa kinaban. Magtatarakig sa takot an siisay man na makadangog kan saindong ngaran.’

Josue 2:24

dangan nagsabi, “Daing duwa-duwa na itinao na sato nin Kagurangnan an bilog na daga. Tarakot sato an gabos na tawo duman.”

Josue 5:1

Nabaretaan kan gabos na hadeng Amoreo sa solnopan kan Jordan asin kan mga hadeng Cananeo sa tampi kan Dagat nin Mediteraneo, an ginibo nin Kagurangnan na pagpamara kan Jordan sagkod na makabalyo an bilog na banwaan nin Israel. Nagkatarakot sinda asin nawaraan nin isog huli sa mga Israelita.

Hukom 14:19

Dangan biglang pinakosog si Samson kan Espiritu nin Kagurangnan, asin naglugsot siya pasiring sa Askelon; ginadan niya an treyntang lalaki duman, hinubaan sinda dangan itinao niya an mga gubing nindang pangpyesta sa mga nakasimbag kan paokod. Dangan anggot siyang nagpuli sa harong nin saiyang ama huli kan nangyari.

1 Samuel 14:15

Nagkatarakot an gabos na Filisteo sa saindang namumugtakan; tinarakigan an mga parasalakay saka an mga soldados na nasa kampo huli sa takot; naglinog an daga, asin nagkaigwa nin dakulang kariribokan.