2 Mga Cronica 14:12 - Marahay na Bareta Biblia

¹² Dinaog nin Kagurangnan an mga taga Etiopia sa atubang ni Asa asin kan mga taga Juda. Nagdurulag an mga taga Etiopia.

2 Mga Cronica 14:12 ပူးပေါင်းရင်းမြစ်များ

Genesis 10:19

Hale sa Sidon, an saindang teritoryo nakaabot sa Gerar harani sa Gaza sa habagat asin sa Sodoma, Gomorra, Adma saka Zeboiim harani sa Lasa sa sirangan.

1 Mga Cronica 5:21

Nasamsam ninda sa mga kaiwal an singkwenta mil na mga kamelyo, dos syentos singkwenta mil na mga karnero, dos mil na mga asno, asin nakabihag sinda nin sanggatos mil na mga kaiwal.

2 Mga Cronica 12:3

kaiba an mil dos syentos na mga karwahe, sesenta mil na nakakabayong mga soldados asin dai mabilang na mga soldados kaiba an mga taga Libya, Sukkim saka Etiopia.

2 Mga Cronica 13:15

Dangan nagkurahaw nin pagsalakay an mga taga Juda, sa pamamayo ni Abias. Dinaog nin Dios si Jeroboam saka an mga soldados na Israelita.

2 Mga Cronica 15:11

Kan aldaw na idto, nagdolot sinda nin mga sakripisyo sa Kagurangnan hale sa mga sinamsam ninda: syete syentos na baka asin syete mil na karnero.

2 Mga Cronica 20:22

Kan nagpoon na sindang mag-awit, ginibo nin Kagurangnan na magkariribong an mga hukbo nin Ammon, Moab saka Edom.

Salmo 60:12

Kun kaiba nyato an Dios, kita manggagana; siya an maronot kan mga kaiwal ta.

Exodo 12:41

Naghale sinda sa Egipto sa huring aldaw kan ikakwatro syentos treyntang taon.

Exodo 12:51

Kan aldaw na idto, ilinuwas nin Kagurangnan sa Egipto an mga tribu nin Israel.

Exodo 14:25

Kaya nakalubong an mga rweda kan saindang karwahe kaya nagin masakit an paglamag ninda. Nagsabi an mga Egipcio, “An Kagurangnan an nakikilaban para sa mga Israelita. Magharale na kita digdi!”

Amos 9:7

An Kagurangnan nagtataram, “Banwaan nin Israel, an pagromdom ko sa Etiopia siring kan pagromdom ko saimo. Kinua ko an mga Filisteo hale sa Creta asin an mga Siro hale sa Kir, siring na kinua ko kamo sa Egipto.

1 Corinto 15:57

Alagad salamat sa Dios na iyo an nagtatao sato nin kapangganahan huli ki Jesu-Cristo na satong Kagurangnan!

1 Corinto 9:26

Kaya dai ako minadalagan na daing direksyon. Kun baga sa sarong boksingero, dai ako minasuntok sa doros.

Deuteronomio 28:7

“Dadaogon nin Kagurangnan an saindong mga kaiwal na masalakay saindo. Masalakay sinda saindo hale sa sarong direksyon, alagad madulag sinda pasiring sa gabos na direksyon.

Deuteronomio 32:39

“‘Ako, asin ako sana, an Dios; mayo na nin ibang totoong dios. Nakakagadan ako saka nakakabuhay; nakakalugad saka nakakapaomay, asin mayong makakaolang sa gigibohon ko.

Josue 10:10

Ginibo nin Kagurangnan na magkatarakot an mga Amoreo pagkahiling sa hukbo nin Israel. Ginaradan sinda kan mga Israelita duman sa Gibeon asin linamag sinda sa dalan na paibaba kan Bet-horon sagkod sa Azeka asin Makkeda.