2 Mga Cronica 13:9 - Marahay na Bareta Biblia

⁹ Pinahale nindo an mga padi nin Kagurangnan, an kapagarakian ni Aaron, saka an mga Levita dangan nagbugtak kamo nin mga padi arog kan ginibo kan ibang mga nasyon. An siisay man na magdolok na may darang ogbon na baka o pitong karnero, pwedeng konsagrahon bilang padi kan inaapod nindong mga dios-dios.

2 Mga Cronica 13:9 ပူးပေါင်းရင်းမြစ်များ

1 Mga Hade 13:33

Dai man giraray nagbakle si Hadeng Jeroboam nin Israel sa saiyang maraot na mga gibo. Nagpadagos siya sa pagpili nin mga padi na gikan sa ordinaryong mga pamilya tanganing maglingkod sa mga altar na saiyang itinugdok. Kinonsagra niya bilang padi an siisay man na boot magin padi.

2 Mga Hade 19:18

Sinulo ninda an mga dios kan mga nasyon na iyan huli ta bako man idto mga dios, kundi mga ladawan na gibo sa kahoy saka gapo na pinorma kan mga kamot nin tawo.

1 Mga Cronica 29:5

asin sa gabos na gigibohon kan mga paradibuho. Siisay pa an makakatao nin boluntad na dolot ngunyan para sa Kagurangnan?”

2 Mga Cronica 13:10

“Alagad para samo, an Kagurangnan iyo an samuyang Dios asin dai kami nagtalikod saiya. An naglilingkod sa Kagurangnan bilang mga padi iyo an mga aki ni Aaron asin an mga Levita an nagtatabang sainda.

2 Mga Cronica 29:31

Dangan nagsabi si Ezekias, “Kinonsagra na nindo an saindong sadiri sa Kagurangnan; dumolok kamo asin pagdara nin mga sakripisyo saka mga atang nin pasasalamat sa Templo.” Nagkuyog sinda, asin an nagkapira sainda boluntad na nagdara man nin mga hayop na isasakripisyo bilang tinutong na atang.

Exodo 29:1

“Ini an gigibohon mo sa pagkonsagra ki Aaron asin sa mga aki niyang lalaki tanganing maglingkod sako bilang mga padi. Kumua ka nin sarong torilyong baka saka duwang lalaking karnero na mayo nin kaninan.

Exodo 29:29

“Pagkagadan ni Aaron, an saiyang mga gubing na sa padi itatao sa saiyang mga aki, dangan isusulot ninda kun sinda lahidan nin lana asin ordenan.

Exodo 29:35

“Gibohon mo an seremonya nin pag-orden ki Aaron sagkod kan saiyang mga aki sa laog nin pitong aldaw siring sa ipinagboot ko saimo.

Exodo 32:29

Sinabihan ni Moises an mga Levita, “Ngunyan na aldaw ikinonsagra nindo an saindong mga sadiri bilang mga padi nin Kagurangnan huli sa paggadan nindo kan saindong mga aki saka mga tugang. Kaya ngunyan na aldaw itinao saindo nin Kagurangnan an saiyang bendisyon.”

Jeremias 2:11

Igwa daw nin nasyon na nagribay kan saiyang mga dios-dios, maski ngani an mga iyan bakong tunay? Alagad rinibayan ako kan sakong banwaan, ako na nagtao sainda nin kaomawan, irinibay sako an mga dios-dios na dai makakatabang sainda.

Jeremias 5:7

Naghapot an Kagurangnan, “Tadaw ta papatawadon ko an kasalan kan sakong banwaan? Binayaan ninda ako asin nagsamba sinda sa mga dios na bako man totoong dios. Pinakakan ko an sakong banwaan sagkod na sinda nabasog, alagad nakidorog sinda sa bako nindang agom saka sinayang ninda an saindang panahon sa mga babaeng maraot.

Oseas 8:6

Sarong Israelitang panday an naggibo kan ladawan; bako iyan Dios! Maroronot an bulawan na baka na sinamba sa Samaria!

Levitico 16:32

An Halangkaw na Padi na inordenan asin kinonsagra bilang pading kasalihid kan saiyang ama, iyo an magibo kan seremonya nin paglinig. Isusulot niya an mga gubing na sa padi

Levitico 8:2

“Ipag-iba mo si Aaron saka an saiyang mga aking lalaki duman sa may pintoan kan Tabernakulo, asin darahon mo man an mga gubing na sa padi, an panlahid na lana, an torilyong baka para sa dolot sa kasalan, an duwang lalaking karnero, sagkod an basket nin tinapay na mayo nin lebadura.

Mga Gibo 19:26

Nahihiling saka nadadangog nindo kun ano an ginigibo kan Pablong ini. Sinasabi niya na an mga dios na gibo nin tawo bako daang dios. Dakul na an mga tawong napatubod niya, bako sana digdi sa Efeso kundi haros sa bilog na Asia.

Galacia 4:8

Kaidto na bako pa nindo midbid an Dios, oripon kamo kan mga espiritu na bakong hale sa Dios.

Deuteronomio 32:17

Sa mga dios-dios sinda nag-atang; mga bagong dios na dai midbid kan saindang ginikanan, asin dai lamang natakotan.