2 Mga Cronica 13:5 - Marahay na Bareta Biblia

⁵ Dai nindo aram na an Kagurangnan, an Dios nin Israel, naggibo nin sarong dai malalapas na tipan ki David, dangan itinao nin Dios saiya saka sa saiyang mga aki an paghahade sa Israel sagkod pa man?

2 Mga Cronica 13:5 ပူးပေါင်းရင်းမြစ်များ

2 Samuel 10:13

Nagrani si Joab asin an saiyang mga tawohan tanganing makilaban sa mga taga Siria; nagdurulag an mga Siro.

1 Mga Hade 8:20

“Inotob ngunyan nin Kagurangnan an saiyang panuga. Nagin kasalihid ako kan sakong ama bilang hade nin Israel, asin itinugdok ko an Templo para sa Kagurangnan, an Dios nin Israel.

1 Mga Cronica 17:11

Kun ika magadan dangan ilubong sa kaibahan kan saimong mga ginikanan, gigibohon kong hade an saro kan saimong mga aking lalaki asin papakosogon ko an saiyang kahadean.

1 Mga Cronica 17:14

Siya an mamamahala kan sakuyang banwaan asin kan sakuyang kahadean; an saiyang trono magdadanay sagkod lamang.’”

2 Mga Cronica 6:16

Kaya ngunyan, O Kagurangnan, Dios nin Israel, otobon mo an ibang panuga na ginibo mo sa sakong ama kan taraman mo siya na danay na magkakaigwa siya nin kapagarakian na maghahade sa Israel, kun magkuyog sinda saimo siring kan ginibo niya.

Nehemias 5:9

Dangan nagtaram ako, “Bakong marahay an ginigibo nindo. Dapat magkaigwa kamo nin pagkatakot sa Dios asin gibohon an matanos tanganing dai kita pagtuyatuyaon kan satong mga kaiwal na nasyon.

Mga Talinhaga 1:29

Huli ta naongis kamo sa pakaaram asin dai nindo pinili an pagkatakot sa Kagurangnan;

Jeremias 33:26

Siring na ginibo ko nanggad ini, siring man papadanayon ko an sakong tipan sa mga kapagarakian ni Jacob asin ni David na sakong sorogoon. Pipilion ko an saro sa mga kapagarakian ni David tanganing paghadean an mga kapagarakian ni Abraham, Isaac, asin ni Jacob. Maheherakan ko an sakong banwaan saka papauswagon ko giraray sinda.”

Ezekiel 43:24

dangan darahon mo sako. Aasinan iyan kan mga padi dangan tututongon bilang sarong tinutong na atang para sako.

Daniel 5:18

“An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Levitico 2:13

An gabos na dolot na gibo sa arina kaipuhan may timplang asin. An asin iyo an tanda kan tipan na satong ginibo. (Kaya bugtakan nindo nin asin an gabos nindong dolot.)

Mga Bilang 18:19

“Itinatao ko saimo, sa saimong mga aking lalaki, asin sa saimong mga aking babae sa gabos na panahon an gabos na espesyal na regalo na idodolot sako kan mga Israelita. Ini sarong daing kataposan na pakikipagtipan ko saimo saka sa saimong kapagarakian.”

2 Pedro 3:5

Talagang tinutuyo nindang dai pahalagahan an katotoohan, na huli sa tataramon nin Dios kaidto, nalalang an langit asin an daga. An daga nahaman hale sa tubig asin huli sa tubig.

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 16:12

Kaya ipinaapod siya ni Jesse. Gwapo siyang lalaki, hoben, mabaskog asin magayon an mga mata. Tinaraman nin Kagurangnan si Samuel, “Tindog, lahidan mo siya, huli ta iyo na siya.”