2 Mga Cronica 13:20 - Marahay na Bareta Biblia

²⁰ Dai na ikinabalik ni Jeroboam an dati niyang kapangyarihan sa panahon kan paghahade ni Abias; dangan hinampak siya nin Kagurangnan asin nagadan.

2 Mga Cronica 13:20 ပူးပေါင်းရင်းမြစ်များ

1 Mga Hade 14:20

Beynte y dos na taon siyang naghade. Nagadan siya asin ilinubong dangan an aki niyang si Nadab iyo an nagsalihid saiya bilang hade.

1 Mga Hade 15:9

Kan ikabeynteng taon kan paghahade ni Jeroboam sa Israel, nagin hade kan Juda si Asa,

2 Mga Cronica 13:19

Linamag ni Abias an hukbo ni Jeroboam asin sinakop an nagkapirang syudad kaini: an Betel, an Jesana saka an Efron sagkod an mga baryo kan mga ini.

2 Mga Cronica 13:21

Alagad si Abias orog na nagin mapangyari. Nagkaigwa siya nin katorseng agom asin beynte y dos na aking lalaki saka dyes y seis na aking babae.

Ezekiel 24:16

“Aki nin tawo, sa sarong hiro kan kamot, kukuahon ko an tawong namomotan mo nin marahay. Dai ka dapat magmondo o magtangis o maghibi.

Mga Gibo 12:23

Pinadusahan tolos si Herodes kan sarong anghel nin Kagurangnan, huli ta dai niya itinao sa Dios an kaomawan. Inulod siya dangan nagadan.

1 Samuel 25:38

Pakalihis nin sampolong aldaw, hinampak nin Kagurangnan si Nabal asin nagadan siya.

1 Samuel 26:10

Siring na buhay an Kagurangnan,” an padagos ni David, “aram kong an Kagurangnan mismo an magadan ki Saul, magin iyan sa natural na paagi o sa gera.