2 Mga Cronica 13:18 - Marahay na Bareta Biblia

¹⁸ Kaya nanggana laban sa mga taga Israel an mga taga Juda huli ta nagsarig sinda sa Kagurangnan, an Dios kan saindang mga ginikanan.

2 Mga Cronica 13:18 ပူးပေါင်းရင်းမြစ်များ

2 Mga Hade 18:5

Si Ezekias nanarig sa Kagurangnan, an Dios nin Israel; sa gabos na hade sa Juda mayo nin makakaarog saiya, maski an mga nagkaerenot o an mga nagsurunod saiya.

1 Mga Cronica 5:20

Ibinugtak ninda an saindang paglaom sa Dios asin naghagad saiya nin tabang. Dinangog nin Dios an saindang pamibi asin pinapanggana sinda laban sa mga Agareno sagkod sa mga kaapil kaini.

2 Mga Cronica 13:17

Dakul an ginadan ni Abias asin kan saiyang hukbo—kinyentos mil na mga piling soldados nin Israel.

2 Mga Cronica 13:19

Linamag ni Abias an hukbo ni Jeroboam asin sinakop an nagkapirang syudad kaini: an Betel, an Jesana saka an Efron sagkod an mga baryo kan mga ini.

2 Mga Cronica 14:10

Nagluwas si Asa tanganing labanan siya, asin an duwang hukbo naghampangan sa Kapantayan nin Zefata sa Maresa.

2 Mga Cronica 14:11

Namibi si Asa sa Kagurangnan na saiyang Dios, “O Kagurangnan, matatabangan mo an sarong maluyang hukbo, siring na matatabangan mo man an sarong makosog na hukbo. Tabangan mo kami, O Kagurangnan na samuyang Dios, huli ta nananarig kami saimo asin sa ngaran mo nagdigdi kami sa pakilaban sa dakulang hukbong ini. O Kagurangnan, ika an samuyang Dios; hare pagtugot na madaog ka nin siisay man.”

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

Salmo 146:5

Maogma an tawo na an tabang iyo an Dios ni Jacob, na an paglaom yaon sa Kagurangnan na saiyang Dios.

Salmo 25:2

Dios ko, sa saimo ako minasarig. Dai mo ako ipasopog; hare pagtugot na tuyatuyaon ako kan sakong mga kaiwal!

Daniel 3:28

Nagsabi an hade, “Pag-omawon an Dios ni Sadrak, Mesak, asin ni Abednego! Sinugo niya an saiyang anghel asin ilinigtas an mga lalaking ini na naglilingkod saka nagsasarig sa saiya. Linapas ninda an sakong pagboot asin ibinugtak sa pag-alaman an saindang buhay ki sa magduko asin magsamba sa arin man na dios pwera sa Dios ninda.

Nahum 1:7

Marahay an Kagurangnan; sinusurog niya an saiyang banwaan sa panahon nin kasakitan; inaataman niya an mga tawong minapaili saiya.

Efeso 1:12

Kaya kaming mga naenot na naglaom ki Cristo itinalagang mabuhay para sa kaomawan kan saiyang kamurawayan.