2 Mga Cronica 13:15 - Marahay na Bareta Biblia

¹⁵ Dangan nagkurahaw nin pagsalakay an mga taga Juda, sa pamamayo ni Abias. Dinaog nin Dios si Jeroboam saka an mga soldados na Israelita.

2 Mga Cronica 13:15 ပူးပေါင်းရင်းမြစ်များ

2 Mga Hade 5:1

Si Naaman, an pamayo kan hukbo nin Siria, sarong dakulang lalaki na nawiwilihan kan hade nin Siria, huli ta sa paagi ni Naaman itinao nin Kagurangnan an kapangganahan sa Siria. Saro siyang maisog na soldados, alagad may nakakatakot siyang helang sa kublit.

2 Mga Cronica 14:11

Namibi si Asa sa Kagurangnan na saiyang Dios, “O Kagurangnan, matatabangan mo an sarong maluyang hukbo, siring na matatabangan mo man an sarong makosog na hukbo. Tabangan mo kami, O Kagurangnan na samuyang Dios, huli ta nananarig kami saimo asin sa ngaran mo nagdigdi kami sa pakilaban sa dakulang hukbong ini. O Kagurangnan, ika an samuyang Dios; hare pagtugot na madaog ka nin siisay man.”

2 Mga Cronica 14:12

Dinaog nin Kagurangnan an mga taga Etiopia sa atubang ni Asa asin kan mga taga Juda. Nagdurulag an mga taga Etiopia.

2 Mga Cronica 18:31

Kaya kan mahiling ninda si Jehosafat, nagsaboot sinda na siya na an hade nin Israel. Nagbirik sinda tanganing salakayon siya, alagad nagkurahaw si Jehosafat. Tinabangan siya nin Kagurangnan asin pinaontok an pagsalakay saiya kan mga kaiwal, huli

2 Mga Cronica 20:21

Pakatapos niyang makihumapot sa mga tawo, pinagbotan niya an mga maawit nin pag-omaw sa Kagurangnan na magsulot kan gubing na pangpyesta, dangan pangenotan an hukbo mantang nag-aawit nin siring: “Omawon an Kagurangnan, huli ta an saiyang pagkamoot nagdadanay sagkod pa man.”

2 Mga Cronica 20:22

Kan nagpoon na sindang mag-awit, ginibo nin Kagurangnan na magkariribong an mga hukbo nin Ammon, Moab saka Edom.

Salmo 47:1

Gabos na banwaan, magparakpak kamo sa kaogmahan! Ikurahaw nindo sa Dios mga awit nin kaogmahan!

Salmo 47:5

An Dios suminakat kaiba an kinurahaw, an Kagurangnan kaiba an tanog nin trompeta.

Isaias 37:36

Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Josue 11:8

Itinao nin Kagurangnan an kapangganahan sa mga Israelita; sinalakay ninda an mga kaiwal asin linamag sagkod sa Misrefot-maim saka Sidon sa parteng amihan, patin sagkod sa Kapantayan nin Mizpa sa sirangan. An ralaban nagpadagos sagkod na mayo na nin natadang buhay sa mga kaiwal.

Josue 6:16

Sa ikapitong paglibot, kan papatanogon na kan mga padi an saindang mga trompeta, pinagbotan ni Josue an saiyang mga soldados, “Magkurahaw kamo, huli ta itinao na saindo nin Kagurangnan an bilog na syudad!

Josue 6:20

Kaya pinatanog kan mga padi an mga trompeta. Pagkadangog kaini kan mga lalaki, nagkurahaw sinda nin makosog asin narumpag an mga kudal. Dangan tinukad kan bilog na hukbo an bulod pasiring sa syudad asin sinakop an syudad.

Hukom 4:15

asin kan salakayon ninda an kampo ni Sisera, linibong nin Kagurangnan si Sisera sagkod an saiyang mga tawohan. Naglusad si Sisera sa saiyang karwahe asin nagdadalagan na nagdulag.