2 Mga Cronica 13:12 - Marahay na Bareta Biblia

¹² An Dios kaibahan mi asin iyo an samong pamayo; andam an saiyang mga padi sa pagpatanog kan mga trompeta tanganing labanan nyamo kamo. Banwaan nin Israel, hare kamo pagtumang sa Kagurangnan, an Dios kan saindong mga ginikanan, huli ta dai kamo manggagana!”

2 Mga Cronica 13:12 ပူးပေါင်းရင်းမြစ်များ

2 Mga Cronica 24:20

Dangan an espiritu nin Dios nag-abot ki Zacarias na aking lalaki kan padi na si Jehoiada. Nagtindog si Zacarias sa lugar na mahihiling kan mga tawo dangan nagsabi, “Ini an tataramon nin Kagurangnan: ‘Tadaw ta tinalikodan nindo an sakuyang mga togon, pagtalikod na dai magdadara saindo nin kauswagan? Huli ta binayaan nindo ako, babayaan ko man kamo.’”

2 Mga Cronica 32:8

Kaiba niya an kosog nin tawo, alagad kaiba ta an Kagurangnan na satuyang Dios, na matabang satuya asin makikilaban kan satuyang mga gera.” Napakosog an boot kan mga tawo kan mga tataramon na ini ni Ezekias na hade nin Juda.

An Libro ni Job 40:9

Makosog ka daw arog sa sako? Makakadaguldol daw an saimong tingog siring kakosog kan sakong tingog?

An Libro ni Job 9:4

An Dios madonong nin marahay asin mapangyari; mayo nin siisay man na makakatindog tumang saiya.

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Isaias 45:9

Herak man sa nakikipasuhay sa kaggibo saiya, an sarong koron sa paragibo nin koron! Minahapot daw an laboy sa paragibo nin koron kun ano an ginigibo kaini? Minareklamo daw an koron na dai tatao an naggibo saiya?

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Jeremias 2:37

An Egipto babayaan mo na nakaduko an saimong payo huli sa sopog. Ako, an Kagurangnan, an nagsikwal kan mga sinasarigan mo; dai kang papakinabangon sainda.”

Jeremias 50:24

Babilonia, linabanan mo ako, asin nadakop ka kan litag na inandam ko para saimo, maski dai mo iyan naaraman.

Ezekiel 17:9

“Kaya ako, an Kagurangnan Dios, naghahapot: Mabubuhay daw asin magtatalubo an balagon na ini? Dai daw iyan gagaboton kan enot na agila, puputolon an mga sanga dangan papabayaan na maalang? Dai na kaipuhan an sarong makosog na kamot o sarong mapangyaring nasyon tanganing gaboton iyan.

Zacarias 10:5

Magigin mapanggana an banwaan nin Juda arog sa mga soldados na nagtitimaktimak kan saindang mga kaiwal sa laboy kan mga tinampo. Makikilaban sinda huli ta kaiba ninda an Kagurangnan, asin dadaogon ninda maski an mga kaiwal nindang parakabayo.

Mga Bilang 14:41

Alagad nagsabi si Moises, “Tadaw ta linalapas nindo ngunyan an pagboot nin Kagurangnan? Mayo nin marahay na mangyayari saindo.

Mga Bilang 23:21

Mayo akong nahihiling na kapahamakan ki Jacob; O ano man na kasakitan sa Israel. An Kagurangnan na saindang Dios yaon sainda; Siya an ipinapahayag nindang hade.

Mga Bilang 31:6

Ipinadara sinda sa gera ni Moises sa pamamahala ni Finehas na aking lalaki kan pading si Eleazar. Siya man an namahala kan mga banal na kagamitan asin kan mga trompeta para sa alarma.

Mga Gibo 5:39

alagad kun iyan hale sa Dios, dai nanggad nindo sinda madadaog. Tibaad magluwas pa logod na kamo an nakikilaban sa Dios!” Kinuyog kan Konseho an hatol ni Gamaliel.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 20:4

Iibahan kamo nin Kagurangnan na saindong Dios asin tatawan niya kamo nin kapangganahan.’

Deuteronomio 28:29

Sa liwanag nin kaodtohan, makapkap kamo siring sa sarong buta. Dai kamo mauswag sa ano man na trabaho nindo. Padagos kamong aapihon saka hahabonan asin mayo nin siisay man na matabang saindo.

Hebreyo 2:10

Maninigo na an Dios, na para saiya asin huli saiya an gabos nagkakaigwa nin buhay, iyo man an magpabanal ki Jesus sa paagi nin pasakit, tanganing madara niya an dakul na tawo sa kamurawayan. Huli ta si Jesus an nangengenot sainda pasiring sa kaligtasan.