2 Mga Cronica 12:1 - Marahay na Bareta Biblia

¹ Kan mapatindog asin mapapusog na ni Rehoboam an saiyang kapangyarihan bilang hade, tinalikodan niya asin kan bilog na Israel an katogonan nin Kagurangnan.

2 Mga Cronica 12:1 ပူးပေါင်းရင်းမြစ်များ

1 Mga Hade 12:17

Alagad pinaghadean ni Rehoboam an mga tawong nag-eerok sa teritoryo nin Juda.

1 Mga Hade 14:21

Naghade sa Juda si Rehoboam na aking lalaki ni Solomon. Kwarenta y unong taon an saiyang edad kan magpoon siyang maghade asin dyes y syeteng taon siyang naghade sa Jerusalem, an syudad na pinili nin Kagurangnan hale sa gabos na teritoryo nin Israel, tanganing duman siya pagsambahon. An ina ni Rehoboam iyo si Naama na taga Ammon.

1 Mga Hade 9:9

Masimbag an mga tawo, ‘Huli ta binayaan ninda an Kagurangnan na saindang Dios na nagluwas kan saindang mga ginikanan sa Egipto. Nagsunod sinda, naglingkod, asin nagsamba sa mga dios-dios, kaya dinara sainda nin Kagurangnan an karatan na ini.’”

2 Mga Hade 17:19

Alagad maski an Juda dai nagkuyog kan mga togon kan Kagurangnan na saindang Dios; inarog ninda an mga gawe nin Israel.

2 Mga Cronica 11:17

Napakosog ninda an kahadean nin Juda, asin sa laog nin tolong taon inandorogan ninda si Rehoboam na aking lalaki ni Solomon. Namuhay sinda siring kan panahon nin paghahade ni David asin ni Solomon.

2 Mga Cronica 11:23

Sa madonong na paagi, ipinamugtak ni Rehoboam an saiyang mga aking lalaki sa gabos na distrito nin Juda asin nin Benjamin, sa gabos na pinakosog na syudad. Tinawan niya sinda nin dakul na kakanon asin nin dakul na agom.

2 Mga Cronica 11:3

na itao an mensaheng ini ki Rehoboam asin sa gabos na kaayon sa tribu nin Juda saka nin Benjamin:

2 Mga Cronica 12:13

Naghade si Rehoboam sa Jerusalem asin nagdakula an saiyang kapangyarihan bilang hade. Kwarenta y uno na an edad ni Rehoboam kan siya magin hade, asin dyes y syeteng taon siyang naghade sa Jerusalem, an syudad na pinili nin Kagurangnan sa gabos na tribu nin Israel bilang lugar na pagsasambahan saiya. An ina ni Rehoboam iyo si Naama na sarong Ammonita.

2 Mga Cronica 24:18

Kaya an mga tawo nag-ontok sa pagsamba sa Templo nin Kagurangnan, an Dios kan saindang mga ginikanan, dangan nagpoon sa pagsamba sa mga dios-dios asin sa mga ladawan kan diosang si Asera. An kagabatan kan saindang kasalan an nagin dahelan kan pagdatong kan kaanggotan nin Dios sa Juda saka sa Jerusalem.

Isaias 1:4

Nasyon na makasalan! Banwaan na pano nin karatan! Aki nin mga paragibo nin maraot; mga aking lalaki na an gibo kabikoan! Isinikwal ninda an Kagurangnan. An banal nin Israel, saindong binasang-basang; siya saindong tinalikodan.

Jeremias 2:31

Banwaan nin Israel, hinanyoga an sakong tataramon. Nagin daw ako siring sa sarong desyerto sa saindo, siring sa dagang madiklom saka pano nin pag-alaman? Tadaw ta nagsasabi kamo na gigibohon nindo an saindong mawilihan, na dai na kamo mabalik sako?

Oseas 13:1

Kaidto, kun minataram an tribu ni Efraim, nagkakatarakot an ibang tribu nin Israel, huli ta an tribung ini ginagalangan sa Israel. Alagad nagkasala an mga tawo huli sa pagsamba ki Baal, asin huli kaini, magagadan sinda.

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.

Deuteronomio 32:18

Nalingawan ninda an Gapo nin saindang kaligtasan, an Dios na nagtao sainda nin buhay.

Hukom 2:15

Kun nakikilaban sinda, kinakalaban sinda nin Kagurangnan siring sa saiyang sinabi; kaya dakula an saindang kahaditan.