2 Mga Cronica 11:4 - Marahay na Bareta Biblia

⁴ “Dai nindo pagsalakayon ni paglabanan an saindong mga tugang. Magpuli na kamo, huli ta kabotan ko an nangyari.” Nagkuyog sinda gabos sa pagboot nin Kagurangnan; nagpuruli sinda asin dai ninda linabanan si Jeroboam.

2 Mga Cronica 11:4 ပူးပေါင်းရင်းမြစ်များ

Genesis 13:8

Dangan sinabihan ni Abram si Lot, “Magkadugo kitang duwa, kaya dai dapat na mag-iriwal an satong mga pastor.

Genesis 50:20

Nagplano kamo nin maraot laban sako, alagad pinakarahay ini nin Dios tanganing ikaligtas an buhay nin dakul na tawo, na buhay sagkod ngunyan.

2 Samuel 2:26

Dangan inapod ni Abner si Joab, “Kaipuhan daw na ipadagos ta an ralaban? Dai mo aram na magigin mapait an kataposan kaini? Sagkod nuarin bago mo paontokon an saimong mga tawohan sa paglamag sa saindang mga tugang?”

1 Mga Hade 22:36

Kan masolnop na an aldaw uminabot an pagboot sa mga soldados nin Israel: “An lambang saro bumalik na sa sadiri niyang banwaan asin syudad!”

2 Mga Cronica 11:3

na itao an mensaheng ini ki Rehoboam asin sa gabos na kaayon sa tribu nin Juda saka nin Benjamin:

Salmo 33:11

Alagad an saiyang mukna magdadanay sagkod lamang; an saiyang mga kaisipan dai nin kataposan.

Oseas 8:4

“Nagpili sinda nin mga hade, sa saindang sadiring kabotan. Nagbugtak sinda nin mga lider, alagad dai ko iyan aram. Sa paagi kan saindang plata saka bulawan, naggibo sinda nin mga dios-dios—para sa saindang kapahamakan.

Mga Gibo 7:26

Sunod na aldaw, nakahiling siya nin duwang Israelita na nag-iiwal. Pinaghingowa niyang husayon sinda, kaya nagsabi siya, ‘Magtugang kamo; tadaw ta nag-iiwal kamo?’

Hebreyo 13:1

Magdanay kamo sa pagkaminorootan siring sa magturugang.

1 Pedro 3:8

Sa kataposan, dapat na magkasararo kamo gabos sa espiritu, magmakulog sa kapwa, magkaminorootan siring sa magturugang; magkaigwa kamo nin mahuyo na puso asin mapakumbabang boot.