2 Mga Cronica 11:15 - Marahay na Bareta Biblia

¹⁵ Si Jeroboam nagpili nin sadiri niyang mga padi tanganing maglingkod sa mga paganong lugar na pagsasambahan, magsamba sa mga demonyo asin mga ladawan nin baka na saiyang ginibo.

2 Mga Cronica 11:15 ပူးပေါင်းရင်းမြစ်များ

1 Mga Hade 12:28

Pakahorophoropa niya kaini, guminibo siya nin duwang bulawan na torong baka dangan sinabihan an saiyang banwaan, “Haloy na kamong nagpaparatukad sa Jerusalem tanganing magsamba. Banwaan nin Israel, uya an saindong mga dios na nagluwas saindo sa Egipto!”

1 Mga Hade 12:31

Si Jeroboam naggibo man nin mga lugar na pagsasambahan sa kabubuldan, asin nagpili siya nin mga pading gikan sa mga pamilya na bakong kaayon sa tribu ni Levi.

1 Mga Hade 13:33

Dai man giraray nagbakle si Hadeng Jeroboam nin Israel sa saiyang maraot na mga gibo. Nagpadagos siya sa pagpili nin mga padi na gikan sa ordinaryong mga pamilya tanganing maglingkod sa mga altar na saiyang itinugdok. Kinonsagra niya bilang padi an siisay man na boot magin padi.

1 Mga Hade 14:9

Dinaog mo sa paggibo nin karatan an mga naenot nang naghade saimo. Isinikwal mo ako asin pinaanggot huli sa paggibo mo nin mga dios-dios asin mga ladawan na metal tanganing pagsambahon.

2 Mga Cronica 13:8

Ngunyan boot nindong magtumang sa kapangyarihan na itinao nin Kagurangnan sa mga aki ni David, huli ta dakul kamo asin dara nindo an mga bulawan na baka na ginibo ni Jeroboam tanganing magin dios-dios nindo.

2 Mga Cronica 13:9

Pinahale nindo an mga padi nin Kagurangnan, an kapagarakian ni Aaron, saka an mga Levita dangan nagbugtak kamo nin mga padi arog kan ginibo kan ibang mga nasyon. An siisay man na magdolok na may darang ogbon na baka o pitong karnero, pwedeng konsagrahon bilang padi kan inaapod nindong mga dios-dios.

Exodo 32:31

Kaya nagbalik si Moises sa Kagurangnan asin nagsabi, “An mga tawong ini nagkasala nin makuri; naggibo sinda nin sarong dios-dios na bulawan.

Oseas 13:2

Padagos sinda sa pagkasala huli sa paggibo nin mga metal na ladawan na pagsasambahon—mga dios-dios na plata, na minukna kan isip nin tawo, na ginibo kan mga kamot nin tawo. Dangan minasabi sinda, “Pagdolot kamo nin mga sakripisyo sa sainda!” Paanong nakakahadok an tawo sa mga dios-dios—mga dios-dios na pormang torong baka!

Levitico 17:7

Kaya dai na nanggad sinda magbubuno nin mga hayop sa kaawagan bilang dolot sa mga demonyo. Kaipuhan kuyogon kan mga Israelita an pagsusundon na ini sagkod lamang.

Deuteronomio 32:17

Sa mga dios-dios sinda nag-atang; mga bagong dios na dai midbid kan saindang ginikanan, asin dai lamang natakotan.

1 Timoteo 4:1

Maliwanag an sinasabi kan Espiritu na sa mga huring panahon may mga tawo na mabaya sa pagtubod, asin masunod sa mga madayang espiritu saka mga katukdoan nin mga demonyo.

Kapahayagan 16:14

Sinda an mga espiritu kan mga demonyo na nagpapahiling nin mga milagro. Dinuduman kan tolong espiritung ini an gabos na hade sa bilog na kinaban tanganing tiponon sinda para sa gera pag-abot kan dakulang Aldaw kan Dios na Makakamhan.