2 Mga Cronica 10:2 - Marahay na Bareta Biblia

² Kan an baretang ini madangog ni Jeroboam, na aking lalaki ni Nebat, na nagduman sa Egipto sa pagdulag ki Hadeng Solomon, nagbalik siya sa Israel.

2 Mga Cronica 10:2 ပူးပေါင်းရင်းမြစ်များ

1 Mga Hade 11:26

An saro pang tawo na nagrebelde ki Solomon iyo an saro niyang opisyal, na si Jeroboam na aking lalaki ni Nebat, na taga Zereda nin Efraim. Saro nang balo an saiyang ina, na an ngaran si Zerua.

1 Mga Hade 11:28

Si Jeroboam sarong lalaki na igwa nin kakayahan, asin kan mahiling ni Solomon an kahigosan ni Jeroboam sa pagtrabaho, ibinugtak niya ini bilang parapamahala kan mga tawong pirit na pinapagtrabaho sa teritoryo kan mga tribu ni Manases asin ni Efraim.

1 Mga Hade 11:40

Huli kaini, hinanap ni Solomon si Jeroboam tanganing gadanon, alagad nakadulag siya pasiring ki Hadeng Sisak nin Egipto asin duman siya nag-ontok sagkod na magadan si Solomon.

1 Mga Hade 12:2

Kan madangog ini ni Jeroboam na aking lalaki ni Nebat, na nagduman sa Egipto tanganing makadulag ki Hadeng Solomon, nagbalik siya hale sa Egipto.

2 Mga Cronica 10:3

Ipinaapod si Jeroboam kan mga kaayon kan mga tribu sa amihan, dangan iriba sindang nagduman ki Rehoboam asin nagsabi,

2 Mga Cronica 9:29

An iba pang mga ginibo ni Solomon, magpoon sa kapinonan sagkod sa kataposan, nasusurat sa An Kasaysayan ni Natan na Propeta, asin sa An Propesiya ni Ahias kan Shilo, patin sa An mga Bisyon ni Iddo na Propeta, na nag-iistorya man kan paghahade sa Israel ni Jeroboam na aking lalaki ni Nebat.