2 Mga Cronica 10:16 - Marahay na Bareta Biblia

¹⁶ Kan mahiling kan mga tawo na habong maghinanyog sainda an hade, nagkurahaw sinda, “Ano an samong kahirasan ki David? Dai kami nin pamana sa aking lalaki ni Jesse. Bumalik kamo sa saindong mga tolda, O Israel! Atamana ngunyan an sadiri mong harong, O David!” Kaya nagbalik sa saindang mga tolda an Israel.

2 Mga Cronica 10:16 ပူးပေါင်းရင်းမြစ်များ

2 Samuel 15:13

Nagbareta an sarong sugo ki David, “Nagsurumpa na an mga Israelita na masunod ki Absalom.”

2 Samuel 16:11

Dangan sinabihan ni David si Abisai asin an gabos niyang opisyal, “Kun boot ngani akong gadanon kan sakong aki, tadaw ta minangalas kamo sa Benjaminitang ini? Sinabihan siya nin Kagurangnan na maldisyonon ako, kaya pabayaan nindo siya na magmaldisyon sako.

2 Samuel 20:1

Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

1 Mga Hade 11:13

Alagad dai ko man gabos hahaleon saiya an kahadean; itatada ko saiya an sarong tribu huli ki David na sakong sorogoon, asin huli sa Jerusalem na sakong pinili.”

1 Mga Cronica 17:14

Siya an mamamahala kan sakuyang banwaan asin kan sakuyang kahadean; an saiyang trono magdadanay sagkod lamang.’”

2 Mga Cronica 10:17

Alagad pinaghadean ni Rehoboam an mga tawong nag-erok sa teritoryo nin Juda.

2 Mga Cronica 10:19

Magpoon kaidto sagkod ngunyan nagin rebelde an Israel laban sa paghahade kan kapagarakian ni David.

Salmo 132:17

Saro sa mga aki ni David an gigibohon kong dakulang hade sa Sion; papadanayon ko digdi an pagkanihade kan sakong pinili.

Salmo 76:10

An kaanggotan nin tawo magtatao nin kaomawan saimo; an makaligtas sa gera iyo an maselebrar kan saimong mga pyesta.

Isaias 11:1

May maluwas na sarong supang sa pungo ni Jesse, asin sarong sanga an matalubo hale sa saiyang mga gamot.

Amos 9:11

An Kagurangnan nagtataram, “Maabot an panahon na papakarahayon ko an kahadean ni David, na nakakaagid sa sarong harong na nagaba. Hihirahayon ko an mga kudal kaiyan asin papatindogon ko giraray iyan arog kan dating kamugtakan kaiyan.

Lukas 19:14

Alagad ikinakaongis siya kan mga kahimanwa niya, kaya nagpadara sinda nin mga sugo tanganing magsabi, ‘Habo ming magin hade an tawong ini.’

Lukas 19:27

Dapit naman sa mga kaiwal kong habong mag-ako sako bilang hade, darahon nindo sinda digdi asin gadanon sa atubangan ko!’”

Juan 6:66

Poon kaidto, dakul na disipulo niya an nagbaya asin dai na nag-iba saiya.

Mga Gibo 2:30

Propeta siya; aram niya an panuga nin Dios na an sarong gikan saiya matukaw sa saiyang trono:

1 Corinto 15:25

Huli ta dapat maghade si Cristo sagkod na an gabos niyang kaiwal ibugtak nin Dios sa irarom kan saiyang mga bitis.

Kapahayagan 22:16

“Ako, si Jesus, an nagsugo kan sakong anghel na magpahayag kan mga bagay na ini saindo sa mga simbahan. Gikan ako sa pamilya ni David; ako an maliwanag na bitoon na makaaga.”

Hukom 8:35

Dai na ninda nagiromdoman an gabos na karahayan na ginibo ni Gideon asin kan saiyang pamilya para sa Israel.

1 Samuel 20:27

Sunod na aldaw pakatapos kan Pyesta kan Gimata nin Bulan, bakante man giraray an tukawan ni David, kaya hinapot ni Saul si Jonatan, “Tadaw ta magpoon kasuhapon dai nagdolok sa pagkakan si David?”

1 Samuel 22:13

Hinapot siya ni Saul, “Tano ta nag-iisip kamo ni David laban sako? Tano ta tinawan mo siya nin pagkakan asin espada, saka hinapot mo pa an Dios para saiya? Nagrerebelde siya sako asin naghahalat kan tamang panahon tanganing gadanon ako!”

1 Samuel 22:7

Sinabihan ni Saul an saiyang mga opisyal, “Pagdangog kamo, mga Benjaminita! Sa paghona nindo, tatawan kamo gabos ni David nin mga oma asin mga ubasan, dangan gigibohon kamong mga opisyal sa saiyang hukbo?

1 Samuel 22:9

Nagsimbag si Doeg na Edomita, na nagtitindog kaiba kan mga opisyal ni Saul, “Nahiling ko si David kan magduman siya sa Nob, ki Ahimelec na aking lalaki ni Ahitub.