2 Mga Cronica 10:10 - Marahay na Bareta Biblia

¹⁰ Nagsimbag sinda, “Iyo ini an isabi mo sainda: ‘An sakuyang gigis mas mahibog ki sa habayan nin sakong ama.

2 Mga Cronica 10:10 ပူးပေါင်းရင်းမြစ်များ

1 Mga Hade 12:1

Nagduman sa Shekem si Rehoboam, huli ta nagtiripon duman an bilog na Israel tanganing gibohon siyang hade.

2 Mga Cronica 10:11

Binugtakan kamo kan sakong ama nin magabat na pasan; orog ko ining pagagabaton. An sakong ama naggamit saindo nin badas, alagad gagamitan ko kamo nin pamakol na may tonok!’”

2 Mga Cronica 10:9

“Ano an dapat kong isimbag sa mga tawong ini na nagsabi sako na pagianon ko an pasan na ibinugtak sainda kan sakong ama?”

Mga Talinhaga 10:14

An madonong nagsasaray nin kadonongan, alagad minaharani an kapahamakan kun minataram an lolong.

Mga Talinhaga 13:16

Minaisip ngona an madonong bago maghiro, alagad an lolong nagpapahiling kan saiyang kamangmangan.

Mga Talinhaga 14:16

An Tawong madonong maingat asin minalikay sa karatan, alagad an lolong mayo nin pag-ingat asin mayo nin pagpupugol sa sadiri.

Mga Talinhaga 19:27

Aki ko, kun mag-ontok ka sa pag-adal, mapapabayaan mo ngapit an saimo nang naaraman.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Mga Talinhaga 28:25

An paslo iyo an nagigin dahelan nin iriwal, alagad an nananarig sa Kagurangnan magigin mauswag an buhay.

Mga Talinhaga 29:23

An mabagsak sa tawo iyo an saiyang kapaabaw-abawan, alagad an mapakumbaba mag-aako nin kaomawan.