2 Mga Cronica 1:8 - Marahay na Bareta Biblia

⁸ Nagsimbag si Solomon sa Dios, “Pinahilingan mo nin dakula asin danay na pagkamoot an sakong ama na si David, asin ngunyan ginibo mo akong hade bilang kasalihid niya.

2 Mga Cronica 1:8 ပူးပေါင်းရင်းမြစ်များ

2 Samuel 22:51

Darakulang panggana itinatao niya sa saiyang hade; danay na pagkamoot an ipinapahiling niya sa saiyang linahidan, ki David asin sa kapagarakian kaini sagkod pa man.

1 Mga Hade 3:6

Nagsimbag si Solomon, “Pinahilingan mo nin dakula asin danay na pagkamoot an sakong ama na si David na saimong sorogoon huli ta naglakaw siya na maimbod, matanos asin marahay sa atubangan mo. Ipinadagos mo an pagpahiling kan dakula asin danay na pagkamoot saiya kan tawan mo siya nin sarong aking lalaki tanganing magtukaw ngunyan sa saiyang trono.

1 Mga Cronica 17:16

Dangan naglaog si Hadeng David sa Tabernakulo, nagtukaw, asin namibi Kagurangnan, “Siisay man ako, O Kagurangnan Dios, saka ano an sakong pamilya, ta ginibo mo an mga bagay na ini sako?

1 Mga Cronica 28:5

Tinawan niya ako nin dakul na aking lalaki, asin sa sainda pinili niya si Solomon na sakong aki na maghade sa Israel, an kahadean nin Kagurangnan.

1 Mga Cronica 29:23

Kaya nagtukaw si Solomon sa trono nin Kagurangnan bilang hade na kasalihid kan saiyang ama. Nagin mauswag siya asin nagkuyog saiya an bilog na Israel.

1 Mga Cronica 29:28

Gurang na siya kan magadan, mayaman saka ginagalangan; asin si Solomon na aki niyang lalaki iyo an nagin kasalihid niya bilang hade.

Salmo 86:13

Huli ta dakula an danay mong pagkamoot sa sako; asin hinawas mo sa kairaroman nin Sheol an kalag ko.

Salmo 89:49

Kagurangnan, haen na an danay mong pagkamoot kaidto, na isinumpa mo ki David sa saimong pagkamaimbod?

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.