2 Corinto 9:5 - Marahay na Bareta Biblia

⁵ Naisipan kong paenoton sako na magdiyan saindo ining mga tugang sa pag-andam kan limos na ipinanuga nindo, tanganing andam na iyan pag-abot ko. Magpapahiling iyan na talagang tudok sa boot nindo an pagtao, bakong napiritan sana kamo.

2 Corinto 9:5 ပူးပေါင်းရင်းမြစ်များ

Genesis 33:11

Kaya nakikimaherak ako na akoon mo an regalong dara ko saimo; nagin marahay sako an Dios asin tinawan ako kan gabos kong kaipuhan.” Nagparapirit si Jacob kaya inako ni Esau an regalo.

2 Mga Hade 5:15

Nagbalik siya ki Eliseo kaiba an gabos niyang tawohan dangan nagsabi, “Ngunyan naaaraman ko na mayo nin Dios sa bilog na daga kundi sa Israel sana. Kaya nakikimaherak ako na akoon mo an regalong hale sako.”

1 Corinto 16:2

Sa enot na aldaw kan lambang semana, an lambang saro saindo kaipuhan na maglaen nin kantidad, sosog sa saiyang hinanapan; damoton niya iyan, tanganing pag-abot ko diyan dai na kaipuhan pang mangolekta.

2 Corinto 8:6

Kaya sinadol mi si Tito na ipadagos an pinonan niyang gibong ini, saka tabangan kamong matapos an gibong ini nin pagkamoot.

2 Corinto 9:3

Ngunyan sinusugo ko an mga tugang na ini, tanganing an samong pag-orgulyo manongod saindo dapit sa bagay na ini dai magin sa tataramon sana. Boot kong magin andam kamong magtabang siring sa sinabi ko;

2 Corinto 9:6

Giromdoma nindo ini: an nagtatanom nin dikit, dikit man an aanihon; an nagtatanom nin dakul, dakul man an aanihon.

Filipos 4:17

Bako ta boot kong pagregalohan, kundi boot kong mahiling na nagdudugang an bunga kan saindong mga gibo.

Hukom 1:15

Nagsimbag si Acsa, “Boot kong magkaigwa nin mga burabod nin tubig. An dagang itinao mo sako yaon sa habagat na parte kan Canaan.” Kaya itinao saiya ni Caleb an mga burabod sa itaas asin sa ibaba.

1 Samuel 25:27

Ngunyan, akoa ining regalo na dinara ko saimo; tawan ini sa saimong mga tawohan.

1 Samuel 30:26

Kan magbalik si David sa Ziklag, ipinadara niya an ibang sinamsam sa saiyang mga katood, an mga kamagurangan nin Juda, kaiba an mensaheng ini, “Uya an sarong regalo para saindo hale sa sinamsam na samong kinua sa mga kaiwal nin Kagurangnan.”