2 Corinto 8:2 - Marahay na Bareta Biblia

² Binalo sinda nin makuri kan mga kasakitan na saindang inagihan; alagad an saindang kaogmahan orog kadakula, mala ta orog logod sindang nagin matinao, maski sinda mga daing sukat.

2 Corinto 8:2 ပူးပေါင်းရင်းမြစ်များ

Mga Talinhaga 11:25

Magmatinao ka, asin mauswag ka. Tabangan mo an iba, asin tatabangan ka man.

Mateo 20:15

Dai daw ako makapagboot kan boot kong gibohon sa sadiri kong kwarta? O naoori ka ta ako matinao?’”

Roma 12:8

kun sa pagsadol, magsadol kita; kun sa paglimos, maglimos kita sa bilog na makakaya; kun sa pamamayo, magtrabaho kita nin maigot; asin kun sa gibong-herak, magtabang kita sa kaogmahan.

Roma 2:4

O tibaad hinahaboan mo an saiyang dakulang pagkamaboot, pagkamatinios asin pagkapasensyoso? Dai mo aram na maboot siya saimo huli ta boot ka niyang magbakle?

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

2 Corinto 2:9

Ini an dahelan kun tadaw ta sinuratan ko kamo kaidto: tanganing baloon kamo asin aramon kun talagang kinukuyog nindo an gabos na itinukdo ko.

2 Corinto 6:10

mga mamondo, alagad danay na maogma; mga dukha, alagad dakul an pinapayaman; mga mayo nin anoman, alagad igwa nin gabos na bagay.

2 Corinto 9:11

Payayamanon niya kamo sa gabos na bagay tanganing magin kamong orog na matinao asin dakul an magpapasalamat sa Dios kan mga itinao nindo sa paagi mi.

2 Corinto 9:13

Oomawon ninda an Dios huli ta an tabang na itinao nindo nagpapahiling na kamo talagang nag-ootob kan Marahay na Bareta ni Cristo. Oomawon man ninda an Dios huli kan dakulang ambag nindo sainda saka sa gabos.

Deuteronomio 15:4

“Mayo nin magigin dukha sa saindo huli ta bebendisyonan kamo nin Kagurangnan na saindong Dios sa daga na itinatao niya saindo,

1 Tesalonica 1:6

Inarog nindo kami asin an Kagurangnan. Maski inagihan nindo an dakul na kasakitan, inako nindo an mensahe na may kaogmahan na hale sa Espiritu Santo.

1 Tesalonica 2:14

An nangyari saindo, mga tugang, pareho kan nangyari sa mga nagtutubod ki Cristo Jesus duman sa mga simbahan sa Judea. Pinasakitan kamo kan saindong mga kahimanwa arog kan mga taga Judea na pinasakitan kan kapwa ninda Judio,

Santiago 2:5

Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.

Kapahayagan 2:9

Aram ko an saimong mga kasakitan; aram ko na ika dukha—alagad sa katunayan mayaman ka! Aram ko an mga pakaraot saimo kan mga nagsasabi na sinda mga Judio, na bako man totoo, kundi sa katunayan sarong sinagoga ni Satanas!