2 Corinto 8:16 - Marahay na Bareta Biblia

¹⁶ Alagad salamat sa Dios huli ta ginibo niyang maigot si Tito sa pagtabang saindo arog samo!

2 Corinto 8:16 ပူးပေါင်းရင်းမြစ်များ

2 Mga Cronica 31:8

Kan mahiling kan hade saka kan saiyang mga opisyal an kadakul na dolot, inomaw ninda an Kagurangnan asin an banwaan nin Israel.

Esdras 7:27

Nagsabi si Esdras, “Pagomawon an Kagurangnan, an Dios nin samuyang mga ginikanan, na naghiro kan puso kan emperador tanganing pagayonon an Templo nin Kagurangnan sa Jerusalem,

Nehemias 2:12

dai ko sinabi maski kiisay an ipinasabong sako nin Dios na gibohon ko para sa Jerusalem. Dangan sa kamatangaan nin banggi, nagbangon ako saka nagluwas kaiba an nagkapirang lalaki. An dara ming hayop iyo sana an asno na sakong linunadan.

Jeremias 31:31

Nagtataram an Kagurangnan, “Maabot an panahon na magibo ako nin bagong tipan sa mga taga Israel saka sa mga taga Juda.

Jeremias 32:40

Magibo ako sainda nin sarong tipan na mayo nin kataposan. Dai ako maontok sa paggibo nin mga marahay na bagay para sa sainda. Gigibohon ko na matakot sinda sako sa bilog nindang puso tanganing dai na ninda ako pagtalikodan.

2 Corinto 7:12

Kan ipadara ko an surat na idto, mayo sa isip ko an tawong nakaginibo nin sala o an pinagkasalaan. Sinurat ko idto tanganing ipahayag saindo, sa atubang nin Dios, kun gurano an saindong pagmakulog samo.

2 Corinto 7:7

Bako sana an pag-abot ni Tito an nakapaogma samo, kundi an pagranga na ginibo nindo saiya. Ibinareta niya an saindong kamawotan na mahiling ako, an kamondoan nindo asin an saindong pagmakulog sako, kaya nag-orog an sakong kaogmahan.

2 Corinto 8:23

Dapit ki Tito, siya an katabang ko sa paglingkod saindo; asin dapit sa ibang mga tugang na maiba saiya, sinda an mga sinugo kan mga simbahan, sinda an kamurawayan ni Cristo.

2 Corinto 8:6

Kaya sinadol mi si Tito na ipadagos an pinonan niyang gibong ini, saka tabangan kamong matapos an gibong ini nin pagkamoot.

Filipos 2:20

Mayo ako nin ibang arog saiya na may tunay na pagmakulog saindo.

Colosas 3:17

Kaya anoman an gibohon o sabihon nindo, gibohon nindo sa ngaran ni Jesus na Kagurangnan ta; sa paagi niya magpasalamat kamo sa Dios Ama.

Kapahayagan 17:17

Huli ta itinanom nin Dios sa mga puso ninda an pag-otob kan saiyang katuyohan, sa paagi kan pagkasararo ninda asin kan pagtao ninda kan saindang kapangyarihan sa hayop na magsakop sagkod na maotob an mga tataramon nin Dios.