2 Corinto 7:7 - Marahay na Bareta Biblia

⁷ Bako sana an pag-abot ni Tito an nakapaogma samo, kundi an pagranga na ginibo nindo saiya. Ibinareta niya an saindong kamawotan na mahiling ako, an kamondoan nindo asin an saindong pagmakulog sako, kaya nag-orog an sakong kaogmahan.

2 Corinto 7:7 ပူးပေါင်းရင်းမြစ်များ

Salmo 141:5

Pwede akong padusahan o sagweon nin tawong matanos sa pagkaherak; alagad dai ako maako nin kaomawan sa kamot kan tampalasan, huli ta danay akong namimibi tumang sa saindang karatan.

Salmo 30:5

Minaagi sana an saiyang kaanggotan, alagad an saiyang karahayan sagkod lamang. Pwedeng magbulos an luha sa pagkabanggi, alagad an kaogmahan minadatong sa pagkaaga.

Salmo 38:18

Ikinukumpisal ko an sakong mga kasalan; ini sakuyang pinagsosolsolan.

Salmo 51:1

Kaheraki ako, O Dios, sosog sa danay mong pagkamoot. Sosog sa dakula mong pagkaherak, paraa an sakong mga kasalan!

Mateo 26:75

Dangan nagiromdoman ni Pedro an sinabi ni Jesus saiya, “Bago magturaok an manok, tolong beses mo akong nenegaran.” Nagluwas siya saka nagtangis nin mapait.

Mateo 5:4

“Paladan an mga nagmomondo, huli ta sinda rarangahon!

Lukas 22:44

Sa makuring kamondoan namibi siya nin mas malodok; an saiyang ganot garo dugo na nagtatagdo sa daga.

Mga Gibo 11:23

Pag-abot ni Bernabe duman, naogma siya nin marahay kan mahiling niya na kanigoan an bendisyon na itinao nin Dios sa mga tawo. Sinadol niya sinda gabos na magdanay na maimbod sa Kagurangnan.

Roma 1:12

An boot kong sabihon, pareho kitang mapapakosog; mapapakosog kamo kan sakong pagtubod, saka ako man kan saindong pagtubod.

1 Corinto 5:2

Dangan nagpapaabaw-abaw pa kamo! Dapat kutanang magmondo kamo! An tawong siring an gibo dapat isikwal sa saindong katiriponan.

2 Corinto 1:4

Rinaranga niya kami sa gabos ming kasakitan, tanganing an iba man na mga nagtitios maranga mi kan iyo man sanang karangahan na itinao niya samo.

2 Corinto 2:9

Ini an dahelan kun tadaw ta sinuratan ko kamo kaidto: tanganing baloon kamo asin aramon kun talagang kinukuyog nindo an gabos na itinukdo ko.

2 Corinto 5:2

Minaagrangay kita sa buhay tang ini saka nagmamawot kita na magubingan kan satong erokan na langitnon,

2 Corinto 7:6

Alagad an Dios, na nagraranga kan mga nagluluya an boot, iyo man an nagranga samo huli kan pag-abot ni Tito.

2 Corinto 7:8

Maski ngani an surat kong idto nakapamondo saindo, dai ako nagbabasol na sinurat ko idto. Nagbasol ako kan surat na idto kan mahiling ko na nakapamondo idto saindo, maski sa dikit sanang panahon.

2 Corinto 8:16

Alagad salamat sa Dios huli ta ginibo niyang maigot si Tito sa pagtabang saindo arog samo!

Filipos 1:20

An minamawot ko asin linalaom iyo na dai nanggad ako magkulang sa sakong katongdan kundi magin maisog sa gabos na oras, orog na ngunyan, tanganing an bilog kong pagkatawo, sa buhay o sa kagadanan, makatao nin kaomawan ki Cristo.

Colosas 2:5

Maski mayo ako diyan, alagad kaiba nindo ako sa espiritu; maogma ako huli ta nahihiling kong nagkakasararo kamong pusog sa pagtubod ki Cristo.

1 Tesalonica 3:6

Alagad ngunyan nagbalik na si Timoteo hale diyan saindo; ikinaogma mi an ibinareta niya samo dapit sa saindong pagtubod saka pagkamoot. Sinabi niya na danay nindo kaming naroromdoman asin boot man nindong mahiling kami arog man kan samong pagmawot na mahiling kamo.

1 Tesalonica 3:8

Garo man sana nagkaigwa kami nin bagong buhay kan maaraman ming masarig an tindog nindo sa buhay na para sa Kagurangnan.

Hebreyo 2:1

Kaya dapat na orog na pahalagahan nyato an mga katotoohan na nadangog ta tanganing dai kita mapaharayo diyan.

Santiago 5:17

Si Propeta Elias sarong tawo na arog sato. Maigot siyang namibi na dai mag-uran, asin dai nag-uran sa laog nin tolong taon saka anom na bulan.

2 Juan 1:4

Dakula an sakong kaogmahan kan mahiling ko an iba mong mga aki na namumuhay sa katotoohan, siring sa ipinagboot sato kan Ama.

Judas 1:3

Mga namomotan, kanigoan an pagmawot kong magsurat saindo dapit sa kaligtasan nyato gabos. Alagad ngunyan nahihiling ko na dapat kamong suratan sa pagsadol saindo na ipadagos nindo an pakipaglaban para sa pagtubod na itinao nin Dios sa saiyang banwaan makasarong beses asin sagkod lamang.