2 Corinto 7:5 - Marahay na Bareta Biblia

⁵ Poon kan mag-abot kami sa Macedonia, dai lamang kami nakapahingalo. Nanumpongan mi an kasakitan saen man kami bumirik—mga iriwal sa palibot, asin takot sa samong puso.

2 Corinto 7:5 ပူးပေါင်းရင်းမြစ်များ

Genesis 8:9

alagad nin huli ta natatahoban pa nin tubig an bilog na daga, mayo ini nin nakuang matogdonan. Nagbalik sa arka an salampati dangan dinakop ni Noe asin ilinaog giraray.

An Libro ni Job 18:11

“Sa palibot niya naghahalat an kahandalan; nagsusunod ini saiya saen man siya magduman.

Isaias 33:12

Maroronot kamo siring sa mga tinutong na gapo tanganing gibohon na apog; makakaarog kamo sa mga tonok na sinulo sagkod na nagin abo.

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Jeremias 45:3

nagsasabi ka, ‘Herak man sako huli ta dinagdagan nin Kagurangnan an sakong kasakitan nin kamondoan. Napapagal na ako sa kaaagrangay, asin mayo na ako nin kapahingaloan!’

Jeremias 6:25

Dai na kami nangangahas na magduman sa kaomahan ni maglakaw sa mga tinampo, huli ta armado an samong mga kaiwal asin an katakotan nakapalibot samo.”

Jeremias 8:18

An sakong kamondoan dai mabobolong, an kulog sa sakong puso sakong namamatean.

Mga Gibo 20:1

Kan tapos na an kariribokan, tinipon ni Pablo an mga paratubod asin sinadol. Dangan nagpaaram siya sainda, asin nagpasiring sa Macedonia.

Roma 15:26

huli ta an mga simbahan sa Macedonia saka sa Grecia nagkasararo na magtao nin tabang sa mga dukhang kaayon sa simbahan sa Jerusalem.

1 Corinto 15:31

Mga tugang, inaatubang ko an kagadanan aroaldaw! Sinasabi ko ini dahel ta ipinag-oorgulyo ko kamo huli kan satong buhay ki Jesu-Cristo na satong Kagurangnan.

1 Corinto 16:5

Madalaw ako saindo pakahapit ko sa Macedonia—huli ta kaipuhan mag-agi ako duman.

2 Corinto 2:13

Alagad nahadit ako nin marahay huli ta dai ko nakua si Tito na satong tugang. Kaya nagpaaram ako sa mga tawo duman, saka nagdagos sa Macedonia.

2 Corinto 2:3

Kaya sinuratan ko kamo kaidto tanganing pagdiyan ko saindo, dai ako mapamondo kan mismong mga tawo na dapat magpaogma sako. Huli ta naniniwala ako na kun maogma ako, maogma man kamo.

2 Corinto 2:9

Ini an dahelan kun tadaw ta sinuratan ko kamo kaidto: tanganing baloon kamo asin aramon kun talagang kinukuyog nindo an gabos na itinukdo ko.

Galacia 4:11

Natatakot ako na tibaad sayang lamang an sakong trabaho para saindo.

Deuteronomio 32:25

An gera manggagadan sa mga tinampo. An takot mahampak sa mga harong. Mga hoben na lalaki saka babae magagadan, sagkod an omboy na pasusuhon asin an ubanon na gurang.

1 Tesalonica 3:5

Kaya kan dai na ako makatios, sinugo ko si Timoteo na magsiyasat dapit kan saindong pagtubod, huli ta nahandal ako na tibaad nasugotan na kamo kan Diablo, asin masayang sana an samong kapagalan.