2 Corinto 7:15 - Marahay na Bareta Biblia

¹⁵ Kaya an pagkamoot niya saindo nag-oorog, kun nagigiromdoman niya an pagkamakinuyog-kuyog nindo saiya, asin an pag-ako nindo saiya na may takot saka paggalang.

2 Corinto 7:15 ပူးပေါင်းရင်းမြစ်များ

Genesis 43:30

Dangan binayaan ni Jose an mga tugang niya, huli ta dai niya mapugolan an luha niya kan mahiling niya si Benjamin. Kaya naglaog siya sa saiyang kwarto asin duman naghibi.

1 Mga Hade 3:26

An tunay na ina, an saiyang puso pano nin pagkamoot sa saiyang aking lalaki, nagsabi sa hade, “Mahal na Hade, nakikimaherak ako na dai mo paggadanon an aki! Itao mo na sana saiya!” Alagad nagsabi an ikaduwang babae, “Hare pagtawan sa kiisay man samo an aki; baakon an aki.”

Esdras 10:9

Sa laog nin tolong aldaw, kan ikabeynteng aldaw kan ikasiyam na bulan, an gabos na lalaki na nag-eerok sa teritoryo nin Juda asin Benjamin nagduruman sa Jerusalem asin nagtiripon sa plasa kan Templo. Makosog kaidto an uran, asin huli kan panahon saka kan importansya kan pagtiripon, tinarakigan an gabos.

Esdras 9:4

Dangan pinalibotan ako kan mga tawo, na nagkatarakot sa sinabi kan Dios nin Israel manongod sa mga kasalan kan mga nagbalik hale sa pagkatapokan; nagmomondo na nagtukaw ako duman sagkod na uminabot an oras para sa pagdolot kan pangbangging sakripisyo.

An Libro ni Job 21:6

Kun iniisip ko iyan, nanluluya an sakong boot, asin tinatakigan an sakong laman.

Salmo 119:120

Nagtatakig an sakong laman sa takot saimo; natatakot ako sa saimong paghukom.

Salmo 2:11

Maglingkod kamo na may pagkatakot sa Kagurangnan;

Awit nin mga Awit 5:4

Kinapotan kan sakong namomotan an pintoan, asin naglulukso an puso ko sa kaogmahan.

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Oseas 13:1

Kaidto, kun minataram an tribu ni Efraim, nagkakatarakot an ibang tribu nin Israel, huli ta an tribung ini ginagalangan sa Israel. Alagad nagkasala an mga tawo huli sa pagsamba ki Baal, asin huli kaini, magagadan sinda.

Juan 16:21

Kun an sarong babae madali nang mangaki, namomondo siya, huli ta an kulog kan saiyang pangaki nag-abot na. Alagad pakapangaki, dai na niya naroromdoman an kulog, huli sa kaogmahan na namundag an sarong omboy sa kinaban.

Mga Gibo 16:29

Nagpakua nin ilaw an bantay, nagdalagan palaog, saka tinatakigan na nagdapa sa pamitisan ni Pablo asin ni Silas.

1 Corinto 2:3

Kaya kan yaon ako diyan saindo, maluya ako saka pinagtatakigan sa takot.

2 Corinto 2:9

Ini an dahelan kun tadaw ta sinuratan ko kamo kaidto: tanganing baloon kamo asin aramon kun talagang kinukuyog nindo an gabos na itinukdo ko.

2 Corinto 6:12

Mayo kaming tinatago saindo; kamo an may tinatago samo.

Efeso 6:5

Mga oripon, kuyogon nindo an saindong mga kagurangnan digdi sa daga, na may paggalang, pagkatakot asin kaimbodan nin puso, na garo si Cristo an pinaglilingkodan nindo.

Filipos 1:8

Saksi ko an Dios na an paghidaw ko saindo arog kadakula kan pagkamoot saindo ni Cristo Jesus.

Filipos 2:12

Kaya, namomotan kong mga tugang, kun kaidtong kaiba nindo ako, danay nindo akong kinukuyog, orog nang magkuyog kamo sako ngunyan na harayo ako saindo. Magtrabaho kamo na may pagkatakot saka pagtakig sagkod na makamtan nindo an saindong kaligtasan,

Colosas 3:12

Mga pinili kamo nin Dios; saiyang mga banal asin namomotan. Kaya magin kamong maheherakon, maboot, mapakumbaba, mahuyo, saka matinios.

2 Tesalonica 3:14

Kun igwa nin habong magkuyog sa sinasabi mi sa surat na ini, tandaan nindo siya dangan likayan tanganing masopog siya.

1 Juan 3:17

Kun mayaman an sarong tawo, dangan nahihiling niya an saiyang tugang na nangangaipo, alagad dai niya tinatabangan, paanong makapagsabi siya na may pagkamoot siya sa Dios?